Filipe Luís Kasmirski

Na Galipedia, a Wikipedia en galego.
Filipe Luís
Filipe Luis Kasmirski 2011.jpg
Información persoal
Nome completo Filipe Luís Kasmirski
Nacemento 9 de agosto de 1985 (28 anos)
Lugar Jaraguá do Sul, Brasil
Altura 1,82 m.
Posición Defensa
Información de club
Club actual Atlético de Madrid
Número 3
Carreira xuvenil
Figueirense
Carreira sénior
Anos Equipos Aprs (Gls)
2003–2005 Figueirense 22 (1)
2004–2005 Ajax (cedido) 0 (0)
2005–2008 Rentistas 0 (0)
2005–2006 Real Madrid B (cedido) 37 (0)
2006–2008 Deportivo (cedido) 52 (1)
2008–2010 Deportivo da Coruña 59 (5)
2010– Atlético de Madrid 90 (2)
Selección nacional
2004–2005 Brasil sub-20 23 (7)
2009– Brasil 3 (0)
* Partidos e goles só en liga doméstica. Actualizados a 18 de marzo de 2013.
† Aparicións (Goles)
‡ Actualizado a 21 de marzo de 2013.

Filipe Luís Kasmirski, nado en Jaraguá do Sul (Santa Catarina) o 9 de agosto de 1985, é un futbolista brasileiro de ascendencia polaca e italiana, que ten esta última nacionalidade. Xoga de defensa e o seu club actual é o Atlético de Madrid.

Traxectoria[editar | editar a fonte]

Filipe Luís (arriba, segundo pola esquerda) no partido CSKA — Deportivo da segunda eliminatoria da copa da UEFA 2008.

Procedente do Figueirense Futebol Clube, Filipe chegou ao fútbol europeo por medio do Ajax de Amsterdam no 2004, pasando alí unha temporada enteira. O 18 de agosto do 2005, firmou polo Rentistas de Uruguai pero rápidamente foi cedido ao Real Madrid. Pasou a maior parte da temporada no Real Madrid, pero no seu filial, o Real Madrid Castilla.

No 2006, fue cedido outra vez polo Rentistas, esta vez ao Deportivo da Coruña, cunha opción de compra de 2,2 millóns de euros. A súa cesión foi ampliada durante un ano máis coa mesma cláusula de compra. Afianzouse como primeiro lateral esquerdo e é unha personaxe clave para o equipo.

O 10 de xuño do 2008, o Deportivo fixo efectiva a cláusula de compra e Filipe firmou un contrato de cinco anos.

O 23 de xaneiro de 2010, nun partido que enfrontaba ao Deportivo co Athletic de Bilbao no Estadio Municipal de Riazor (3-1), o xogador produciuse unha fractura e luxación de nocello dereito na parte do peroné, a lesión produciuse logo de marcar un gol ao chocarse co porteiro do equipo rival. Estimáronse entre catro e seis meses de baixa[1], aínda que volveu xogar o 9 de maio, tres meses e medio despois.[2]

O 23 de xullo de 2010 foi contratado polo Club Atlético de Madrid por catro tempadas. A súa chegada non puido comezar mellor, pois o 29 de agosto conseguiría o seu primeiro título ao impoñerse na Supercopa de Europa ao Inter de Milan, gañador da Liga de Campións, por dous goles a cero, se ben non participou en dito encontro.[3] O seu debut oficial non se produciu até a quinta xornada da Liga 2010–11 ante o Real Zaragoza, dando o pase do gol da victoria.[4]

Selección nacional[editar | editar a fonte]

Foi internacional coa selección brasileira en diversas ocasións, producíndose o seu debut o 14 de outubro de 2009 no derradeiro encontro de clasificación para o Mundial de Sudáfrica 2010 fronte a Venezuela (0–0). Anteriormente ao seu debut xa fora convocado para disputar os partidos contra Arxentina, Chile e Bolivia.

Palmarés[editar | editar a fonte]

Deportivo
Atlético de Madrid

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]