"O petroglifo do monte Angueira, entre as aldeas de Cornide (Calo) e Regoufe (Luou), no Concello de Teo (A Coruña). Este petroglifo ten un doado acceso a través dun camiño, despois da aldea de Cornide, que parte da estrada que une Casalonga e Luou, antes de entrar na aldea de Seixos. Está situado aproximadamente, na marxe oriental do regato, a 30 ou 40 m. do mesmo e a uns 500 m. da estrada. Estes gravados rupestres descubríronse en outubro do ano 1967, segundo Fernando Acuña Castroviejo o escultor Alfonso Sanmartín. O petroglifo, de aproximadamente un metros de lonxitude, áchase emprazado a un lado dunha rocha granítica, a medio metro sobre o nivel do chan, lixeiramente orientada ao solpor. O grupo de gravados contén sete círculos, dos cales tres levaban outros concéntricos, cunha separación entre eles de 5 a 6 cm"