Festival Internacional de Cinema de Edimburgo
| Festival Internacional de Cinema de Edimburgo | |
|---|---|
 | |
| Tipo | festival de cinema |
| Data de fundación | 1947 |
| En | Cidade de Edimburgo |
| País | Reino Unido |
| Na rede | |
| http://www.edfilmfest.org.uk/ | |
  | |
| [ editar datos en Wikidata ] | |
O Festival Internacional de Cine de Edimburgo é un certame competitivo de cine que se celebra na segunda metade do mes de agosto en Edimburgo, a capital de Escocia. Recoñecido oficialmente como parte do Festival de Edimburgo, é o certame de cine que leva máis edicións ininterrompidamente, dende 1947.
Características[editar | editar a fonte]
O Festival Internacional de Cine de Edimburgo comezou en 1947 dedicado unicamente a documentais, nun momento en que só existían no mundo os festivais de Cannes e Venecia, pero na actualidade recolle todo tipo de xéneros.
Os tres principais galardóns son o premio Michael Powell, que se lle outorga a filmes británicos por medio dun xurado, un premio do público, e un premio a directores noveis. Todos os filmes que se exhiben son estreas no Reino Unido, e moitas delas ademais estreas en Europa ou mundiais.
A sede do festival é a Filmhouse de Edimburgo, se ben existen unha ducia de espazos de exhibición na cidade, ademais dese. Dende setembro de 2006 a directora artística do festival é Hannah McGill, crítica de cine e xornalista, que substituíu a Shane Danielson, directora entre 2002 e 2006. Sean Connery e Tilda Swinton son patróns de honra do festival.
Edicións[editar | editar a fonte]
- 2006. A 60ª edición do festival celebrouse entre o 14 e o 27 de agosto de 2006. O festival abriuse con O escocés voante, un filme sobre ciclismo, e contou coa presentación de Unha verdade incómoda, realizada polo seu protagonista, Al Gore.
- 2007. A 61ª edición do festival celebrouse entre o 15 e o 26 de agosto de 2007. O festival abriuse co filme británico Hallam Foe, de David Mackenzie.
Palmarés[editar | editar a fonte]
Premio Michael Powell ao mellor filme británico[editar | editar a fonte]
- 1993. Blue (Derek Jarman)
- 1994. Priest (Antonia Bird)
- 1995. Small faces (Gillies Mackinnon)
- 1996. Jude (Michael Winterbottom)
- 1997. Under the Skin (Carine Adler)
- 1998. Love is the Devil (John Maybury)
- 1999. The War Zone (Tim Roth)
- 2000. Last Resort (Pawel Pawlikowski)
- 2001. Gas Attack (Kenny Glenaan)
- 2002. Out of Control (Dominic Savage)
- 2003. Young Adam (David Mackenzie)
- 2004. My Summer of Love (Pawel Pawlikowski)
- 2005. Tsotsi (Gavin Hood)
- 2006. Brothers of the Head (Keith Fulton e Louis Pepe)
- 2007. Control (Anton Corbijn)
Premio do público[editar | editar a fonte]
- 1997. The Full Monty (Peter Cattaneo)
- 1998. Get Real (Simon Shore)
- 1999. Buena Vista Social Club (Wim Wenders)
- 2000. Billy Elliot (Stephen Daldry)
- 2001. Amélie (Jean-Pierre Jeunet)
- 2002. Rabbit-Proof Fence (Phillip Noyce)
- 2003. Afterlife (Alison Peebles)
- 2004. Inside I'm Dancing (Damien O'Donnell)
- 2005. Tsotsi (Gavin Hood)
- 2006. Clerks II (Kevin Smith)
- 2007. We Are Together (Thina Simunye)
