Feira do cocido de Lalín
A Feira do Cocido de Lalín é unha festa gastronómica que se celebra cada ano o domingo antes do Entroido en Lalín. A feira xorde no ano 1968 como iniciativa de difusión e comercialización dos produtos típicos da comarca do Deza levada a cabo polos seis concellos dezaos (Lalín, Silleda, Vila de Cruces, Rodeiro, Agolada e Dozón).
Historia[editar | editar a fonte]
 | Este artigo (ou sección) está desactualizado(a). A información fornecida mudou ou é insuficiente. |
A primeira experiencia tivo por lema Unidos polo mesmo afán, a Feira do Cocido como tal xorde da tradición dun grupo de lalinenses que cada ano se xuntaba para comer cocido, de modo que o Concello crea esta festa gastronómica poñendo en práctica as ideas xurdidas naqueles encontros.
A primeira feira celebrouse no ano 1969, sendo unha das decanas entre as festas gastronómicas celebradas na xeografía galega. Durante a súa traxectoria converteuse nunha data senlleira no calendario festivo e gastronómico galego, achegándose a Lalín miles de persoas durante a súa celebración para probar este prato tradicional, que no concello dezao acada identidade propia.
No ano 1999 a Feira do Cocido foi declarada como Festas de interese turístico de Galicia por parte da Xunta de Galicia e vese corroborada ano tras ano pola masiva afluencia de público no día grande da feira. En 2010 foi recoñecida como Festas de interese turístico nacional [1].
Dende o concello lévanse a cabo múltiples iniciativas que teñen como fin a popularización do seu prato máis insigne e a promoción do municipio. Cabe destacar entre estas a celebración do Mes do cocido de Lalín, entrega dos premios Álvaro Cunqueiro de xornalismo gastronómico, concertos, degustacións de cocido en diferentes cidades e países, celebración da mata do porco tradicional etc.
Entre os seus principais atractivos destacan: o desfile de carrozas, comparsas e charangas; a posta en marcha de concertos e distintas actividades; e a propia feira.
En 2009, o concello introduciu entre os actos da Feira o Lalín Pork Art, con 25 esculturas decoradas ó estilo das vacas do Cow Parade [2].
Pregoeiros[editar | editar a fonte]
- 1969 - Álvaro Cunqueiro
- 1970 - Gerardo Fernández Albor
- 1971 - Xosé Filgueira Valverde
- 1972 - Pío Cabanillas Gallas
- 1973 - David Pérez Puga
- 1974 - Eugenio López López
- 1975 - Luis Suárez Delgado
- 1976 - Xosé Otero Abeledo
- 1977 - Manuel Rolán Bolaño
- 1978 - Celso Emilio Ferreiro
- 1980 - Daniel Varela Buxán
- 1981 - Hipólito de Sa Bravo
- 1982 - Antonio Fraguas Fraguas
- 1984 - Víctor Manuel Vázquez Portomeñe
- 1985 - Xosé Luis Barreiro Rivas
- 1986 - Xosé Luis Blanco Campaña
- 1987 - Sancho Gracia
- 1988 - Xosé Filgueira Valverde
- 1989 - Álvaro Pino
- 1990 - Luis Álvarez Pousa
- 1991 - Manuel Fraga Iribarne
- 1992 - Xesús Alonso Montero
- 1993 - Xosé Cuíña Crespo
- 1994 - Alfredo Conde
- 1995 - Luis del Olmo
- 1996 - Fernando Ónega
- 1997 - Victoria Prego
- 1998 - Francisco Álvarez Cascos
- 1999 - Carlos Casares
- 2000 - Mariano Rajoy Brey
- 2001 - Baltasar Garzón
- 2002 - Moncho Borrajo
- 2003 - María Teresa Campos
- 2004 - Cruz y Raya
- 2005 - Marc Forné Molné
- 2006 - Alberto Ruiz-Gallardón
- 2007 - Karlos Arguiñano
- 2008 - Santiago Rey Fernández-Latorre
- 2009 - Carlos Alsina
- 2010 - María Castro
- 2011 - Mariló Montero
- 2012 - Pedro Piqueras
- 2013 - Susanna Griso
- 2014 - Eduard Punset
- 2015 - Ignacio Rivera
- 2016 - Manuel Jabois
- 2017 - Roberto Vilar
- 2018 - Víctor Fernández Freixanes
- 2019 - Xabier Fortes
- 2020 - Sonsoles Ónega
- 2021 - Pepe Solla
- 2022 - Alberto Núñez Feijóo
- 2023 - José Ribagorda
Notas[editar | editar a fonte]
Véxase tamén[editar | editar a fonte]
Outros artigos[editar | editar a fonte]
- Cocido de Lalín
- Encomenda do Cocido
- Mes do cocido de Lalín
- Festas de interese turístico de Galicia
- Festas de interese turístico nacional de España