Fauna tomotiana
En paleontoloxía, chámase fauna tomotiana, fauna tommotiense (do Tommotiense, un dos últimos períodos do cámbrico inferior) ou pequenos fósiles con cuncha (do inglés small shelly fossils), a un conxunto de fósiles que se formaron no inicio do período cámbrico, hai por volta de 542 millóns de anos.[1]
Os exemplares coñecidos desta fauna viviron nun período de preto de dez millóns de anos, e sucederon á fauna de Ediacara ou fauna vendiana, que se desenvolveu ao final do proterozoico, e antecederon a explosión cámbrica.[2].
O descubrimento destes seres de tamaño milimétrico realizouse en Siberia, e son os primeiros restos de esqueletos mineralizados que aparecen no rexistro fósil.[3] O termo foi empregado por primeira vez no ano 1975 por Crosbie Matthews e Vladimir Missarzhevsky.[4]
Os restos consisten en escleritos, espículas, tubos e cunchas.[4] Moitos destes restos interprétanse como elementos de organismos maiores, e outros parecen ser cunchas individuais pertencentes a organismos de pequeno tamaño; algúns dos fósiles non parecen gardar parentesco con ningún grupo de animais modernos, polo que, ao igual que a fauna de Ediacara, parecen ser un tipo de organismos que apareceron e desapareceron do rexistro xeolóxico.[5]
Encontráronse pequenos fósiles con cuncha en todo o planeta, existindo xacementos paleontolóxicos en Inglaterra, Australia, a Antártida, illa de Terra Nova, Canadá continental, California, México, China, Mongolia, Irán, India, Turquía, Marrocos etc.[6]
Notas[editar | editar a fonte]
- ↑ Gould, Stephen Jay (2006). "Antecedentes de Burgess Shale". La vida maravillosa. Crítica. p. 66. ISBN 9788484328049.
- ↑ “Archaeocyatha” no sitio do Departamento de Xeoloxía da Faculdade de Ciencias da Universidade de Lisboa Arquivado 26 de decembro de 2010 en Wayback Machine. (en portugués)
- ↑ The Virtual Fossil Museum. "Tommotian fauna" (en inglés). Consultado o 13 de setembro de 2012.
- ↑ 4,0 4,1 Bengtson, Stefan (2004). "Early Skeletal Fossils" (PDF). The Paleontological Society Papers (en inglés) 10: 67–77.
- ↑ Universidade de Bristol. "Small Shelly Fossils" (en inglés). Arquivado dende o orixinal o 31 de maio de 2012. Consultado o 13 de setembro de 2012.
- ↑ Sarmiento, Graciela N., Fernández-Remolar, David & Göncüoglu, M. Cemal (2001). "Cambrian small shelly fossils from the Çal Tepe Formation, Taurus Mountains, Turkey" (PDF). Coloquios de Paleontología (en inglés) 52: 117–134. 1132-1660.
Véxase tamén[editar | editar a fonte]
Bibliografía[editar | editar a fonte]
- Landing, E., Geyer, G., e Bartowski, K. E. (2002): "Latest Early Cambrian Small Shelly Fossils, Trilobites, and Hatch Hill Dysaerobic Interval on the Québec Continental Slope". Journal of Paleontology, marzo de 2002, (2): 287-305.
- Matthews, S. C. e Missarzhevsky, V. V. (1975): "Small Shelly Fossils of Late Precambrian and Early Cambrian Age: a Review of Recent Work". Journal of the Geological Society 131 (3): 289–304.
Outros artigos[editar | editar a fonte]
Ligazóns externas[editar | editar a fonte]
- Cambrian explosion (en inglés)
- Small shelly fauna (en inglés)
- Fauna tomotiana (en inglés)
