Fariñento
Na Galipedia, a Wikipedia en galego.
O fariñento (Chenopodium album), tamén coñecido como fariñón, farnelo ou farnento, é unha planta da familia das amarantaceas, moi común nos países de clima temperado. Medra en chans ricos en nitróxeno e aparece como mala herba no medio dos cultivos.
As súas follas son verdes por riba e cinsentas polo envés. As partes verdes aprovéitanse fervidas xunto coas sementes para enriquecer a fariña dos cereais. Tamén poden ser comidas crúas.
