Félidos

Na Galipedia, a Wikipedia en galego.
Félidos
Felidae

Rango fósil: oligoceno - actualidade
Ocelote (Leopardo pardalis)
Ocelote (Leopardo pardalis)
Clasificación científica
Dominio: Eukaryota
Reino: Animalia
Filo: Chordata
Subfilo: Vertebrata
Clase: Mammalia
Subclase: Theria
Infraclase: Placentalia
Orde: Carnivora
Suborde: Feliformia
Familia: Felidae
G. Fischer, 1817
Subfamilias

A dos félidos (Felidae) é unha familia de mamíferos da ordedos carnívoros.[1]

Os félidos caracterízanse polo seu corpo esvelto, oído agudo e excelente vista, e son os mamíferos cazadores máis sixilosos, grazas á configuración dos seus pés que lles permite, á excepción do guepardo e algúnha especie máis, retraeren as súas uñas dentro dunhas vaíñas das gadoupas mentres non as usan.

A pelaxe é variada, dependendo da especie e ofrece unha eficaz protección térmica.

A maioría dos félidos consume exclusivamente carne e ignora cualquera outra comida que non sexa unha presa viva. Capturan ás súas vítimas coas súas afiadas garras, e adoitan matalas dunha única trabada.

Integran a familia ao redor de corenta especies, entre elas o león, o tigre, os gatos domésticos e monteses, os linces, o puma, o xaguar, etc.

Moitas delas escasean na actualidade, porque foron obxecto de caza pola súa pel, para aproveitar partes do seu corpo, ou porque o seu hábitat foi, e esta a ser, destruído. O paradigma é o lince ibérico (Lynx pardinus), o félido en maior perigo de extinción.

Excepto na Antártida, Oceanía e algunhas illas, encóntranse en todo o mundo.

As 5 especies actuais máis grandes da familia son, por esta orde: o tigre, o león, o xaguar, o leopardo e o leopardo das neves.

Orixe e evolución[editar | editar a fonte]

A familia dos Felidae xurdiu en Eurasia durante o Oligoceno, posiblemente a partir da familia dos Miacidae. Estes primeiros félidos de pequeno tamaño foron expandíndose, alcanzando África e Norteamérica a principios do Mioceno. No Mioceno medio diversificáronse, aparecendo os chamados dentes de sable (Machairodontinae), os felinos e os panterinos, que se dispersaron por Eurasia, África e Norteamérica. A finais do Plioceno chegaron tamén a Sudamérica durante o denominado Grande Intercambio Americano.[2]

Clasificación[editar | editar a fonte]

A familia foi descrita en 1867 polo naturalista, paleeontólogo e anatomista saxón, nacioanlizado ruso, Gotthelf Fischer von Waldheim (1771-1853), na páxina 372 dun traballo publicado no número 5 das Mém. Soc. Imp. Nat. Moscow.

Na actualidade recoñécense dentrio dela as seguintes subfamilias, xéneros e especies:[3]

Familia Felidae

Ademais, existen dúas subfamilias extintas:

Galería de imaxes[editar | editar a fonte]

Notas[editar | editar a fonte]

  1. félidos no ficionario da RAG.
  2. Garrido, G. e Arribas, A. (2008). "Generalidades sobre los carnívoros del Villafranquiense superior en relación con el registro fósil de Fonelas P-1". Cuadernos del Museo Geológico y Minero de España (10): 85-146. http://www.igme.es/internet/museo/investigacion/paleontologia/Fonelas/ficheros%20pdf/6%20Fonelas%20P-1%20Generalidades%20carnivoros%20Villafranquiense.pdf.
  3. Feliadae en Wilson, Don E. & Reeder, Dee Ann M., eds. (2005): Mammal Species of the World - A Taxonomic and Geographic Reference". 3ª ed. Baltimore, Maryland, USA: The Johns Hopkins University Press. 2005. ISBN 978-0-8018-8221-0.
  4. Sanderson, J.; Mallon, D.P.; Driscoll, C.; Breitenmoser, U. & Breitenmoser-Wursten, C. (2008): Felis silvestris ssp. bieti na Lista vermella da UICN. Versión 2010.4
  5. Sanderson, J.; Mallon, D.P.; Driscoll, C.; Breitenmoser, U. & Breitenmoser-Wursten, C. (2008): Felis silvestris ssp. catus na Lista vermella da UICN. Versión do 2010.4

Véxase tamén[editar | editar a fonte]

Commons
Commons ten máis contidos multimedia na categoría: Félidos
Wikispecies-logo.svg
Wikispecies posúe unha páxina sobre: Félidos

Bibliografía[editar | editar a fonte]

  • Rémy Marion, Catherine Marion, Géraldine Véron, Julie Delfour, Cécile Callou & Andy Jennings (2005): Larousse des Félins. Paris: Larousse. ISBN 2-03-560453-2.
  • Peter Jackson & Adrienne Farrell Jackson (1996): Les félins, toutes les espèces du monde: Paris / Lausanne: Delachaux et Niestlé. La bibliothèque du naturaliste. ISBN 2-603-01019-0.

Outros artigos[editar | editar a fonte]

Ligazóns externas[editar | editar a fonte]