Eva Perales
Eva Perales | |
---|---|
Nacemento | 1973 |
Lugar de nacemento | Barcelona |
Nacionalidade | España |
Ocupación | xornalista, produtora musical e compositora |
[ editar datos en Wikidata ] | |
Eva Perales Hervella, nada en Barcelona en 1973, é unha xornalista e produtora musical galega.
Traxectoria[editar | editar a fonte]
De familia da Pobra de Trives emigrada en Cataluña, licenciouse en Ciencias da Información pola Universidade Autónoma de Barcelona. Comeza a traballar de xornalista en Radio Nacional de España, nun magazine presentado por Pepa Fernández, e posteriormente dirixe e presenta un programa musical sobre folc e música étnica en RNE Cataluña, chamado Sense fronteres (Sen fronteiras).
Posteriormente dedicouse á promoción de eventos musicais e grandes espectáculos, e en 1999 instálase en Madrid para dedicarse á produción musical, organizando concertos e xiras por España de artistas de sona internacional. É a representante do grupo español de pop El Canto del loco. En 2006, sen deixar a súa faceta como produtora, regresa á radio para presentar un programa musical en Radio Círculo e en 2007 participa como xurado no programa de televisión Factor X, para Cuatro. En 2009 faise cargo dun proxecto de distribución musical para empresa tecnolóxica galega Blusens. Dende 2015 é xurado do talent-show da TVG Oh Happy Day.