EuroGames

Os EuroGames son unha competición multideportiva anual de ámbito europeo dirixida fundamentalmente a gais, lesbianas,transexuais e bisexuais, se ben as probas son de inscrición libre. Decide a súa organización a asemblea xeral da Federación Europea de Deportes para Gais e Lesbianas elixindo entre as candidaturas presentadas. É un dos eventos máis importante da comunidade gai en Europa

Entre os obxectivos dos EuroGames está a loita contra a discriminación por orientación sexual, a integración do colectivo LGTB, e potenciar a práctica deportiva entre esta comunidade. En paralelo á celebración deportiva organízanse actividades culturais e turísticas.

Historia

Os primeiros EuroGames celebráronse en 1992 na Haia. Celébranse anualmente, pero non cando coinciden cos Xogos Gais, que se celebran a cada catro anos. Polo conseguinte, non se disputaron EuroGames en 1994, 1998, 2002 e 2006. Tampouco se van celebrar cando os Outgames Mundiais se celebren en Europa, como acontecerá en Copenhaguen 2009. En 1999 a cidade designada foi Manchester, pero os xogos foron cancelados.

As edicións son de dous tipos, conforme o tamaño e as capacidades organizativas. Os anos olímpicos realízanse uns EuroGames de gran tamaño, mentres que no resto as competicións teñen unha limitación de participantes.

Ano	Cidade	Participantes	Países participantes	Deportes	Tamaño	Outras cidades candidatas
1992	A Haia	300	5	4
1993	A Haia	540	8	6
1995	Francfort	2000	13	?
1996	Berlín	3247	18	17
1997	París	2000	18	17		Bruxelas, Zúric
2000	Zúric	4500	?	19		Hamburgo
2001	Hannover	1500	?	7	Limitado
2003	Copenhaguen	2200	?	7	Limitado
2004	Múnic	5300	38	27		Viena
2005	Utrecht	2855	44	9	Limitado
2007	Antuerpe				Limitado
2008	Barcelona	5.000 (prev.)		27
2010	Rotterdam

Véxase tamén

Ligazóns externas

• Web de EuroGames