Eugeni Xammar

Eugeni Xammar
	; Eugeni Xammar saíndo da chancelería alemá de Berlín, 1934.
Biografía
Nacemento	17 de xaneiro de 1888; Barcelona, Cataluña
Morte	5 de decembro de 1973 (85 anos); L'Ametlla del Vallès, Cataluña
Lugar de sepultura	L'Ametlla del Vallès 41°40′29″N 2°15′48″L / 41.674797, 2.263344
Datos persoais
País de nacionalidade	España
Actividade
Ocupación	xornalista , escritor , diplomático , correspondente de guerra
Período de actividade	1907 - 1970
Xénero artístico	Xornalismo
Pseudónimo literario	Douglas Flint (1904–1909); Harry Doggerel, a El Día Gráfico (pt) (1913–1916); Peer Gynt, a El Be Negre (pt) (1936–1936)
Lingua	Lingua castelá e lingua catalá
Obra
	Obras destacables (1974) Seixanta anys d'anar pel món (en) ;
Familia
Cónxuxe	Amanda Fürstenwerth; Francine Mesne
	Premios (1975) Serra d'Or Critics Award (en) ;
	Sinatura Modelo:InfoboxImage

Eugeni Xammar i Puigventós, nado en Barcelona o 17 de xaneiro de 1888 e finado en L'Ametlla del Vallès o 5 de decembro de 1973,^[1] foi un xornalista cosmopolita, diplomático de carreira e tradutor políglota (falaba sete linguas e escribía cinco) que viviu a meirande parte da súa vida fóra de Cataluña como correspondente en Europa durante os convulsos anos da primeira e a segunda guerra mundial.

Traballou como correspondente en Buenos Aires, París, Madrid, Londres, Berlín, Washington DC ou Xenebra e viaxou a Italia, Rusia ou Austria entre outros. Como correspondente colaborou principalmente con medios cataláns escribindo en catalán, como La Publicitat, La Veu de Catalunya ou a revista Mirador, unha actividade complementada con colaboracións en castelán nos medios suramericanos e co xornal madrileño Ahora. O seu dominio das linguas permitiulle traballar como tradutor para organismos internacionais como a ONU, a OMS, o Banco Mundial e a FAO.