Eugène Atget

Jean Eugène Auguste Atget, nado o 12 de febreiro de 1857 en Libourne, Xironda, Francia e finado o 4 de agosto de 1927 en París, foi un fotógrafo francés.

Traxectoria

Logo de traballar en diversos oficios como camareiro ou actor, establécese en París onde se converte en fotógrafo ambulante. Para subsistir dedícase a sacar retratos de persoas na rúa; tamén empeza a crear unha colección propia de fotografías da vida diaria da cidade a principios do século XX. Monumentos, parques, vendedores, prostitutas ou escaparates son algúns dos seus temas máis recorrentes dunha colección que alcanzou máis de 4.000 imaxes. A fotógrafa americana Berenice Abbott, asistenta de Man Ray, adquiriu os seus negativos. O museo de monumentos históricos de París conseguiu 2.000 traballos de Adget en 1927.

As súas fotografías son suxestivas e reflicten a vida diaria parisina, dunha forma espontánea, libre das ataduras doutros movementos máis artísticos. Malia a súa ilustra clientela de artistas (Georges Braque, André Derain, Maurice Utrillo, Mauricio de Vlaminck, André Dunoyer de Segonzac, Moïse Kisling, Tsugouharu Foujita), a situación financeira de Atget é precarea (vivirá durante un tempo sobre os únicos ingresos da súa muller), particularmente durando e logo da Primeira guerra mundial, no transcurso da cal cesa progresivamente de fotografar ata os anos 1920.

Ao final da súa vida a súa figura xa era coñecida entre escritores e pintores da época. Os surrealistas encumbrarono vendo nas súas imaxes, sobre todo nas figuras reflectidas nas cristaleiras, unha visión natural e pura que suxire algo fantasmal. Aínda así morreu na miseria.

Nos Estados Unidos está considerado como un mestre da fotografía, en Francia vólvese a descubrir a partir dos anos 1980. A Bibliothèque nationale de France (París) deu unha retrospectiva Atget desde o 27 de marzo ata o primeiro de xullo do 2007.

Galería de imaxes

• 

  Músicos nunha rúa de Paris

• 

  Hotel Thiroux de Montsauge - 1906

• 

  Colonne Moris, Place Saint-Sulpice, Paris, 1910-1911

Bibliografía

• Jean-Claude Lemagny, Sylvie Aubenas, Pierre Borhan, Luce Lebart, Atget le pionnier, Marval, 2000 (ISBN 2-86234-298-X)
• Sylvie Aubenas, Arbres inédits d'Atget, Marval, 2002
• (en) Clark Worswick, Berenice Abbott and Eugene Atget, Arena, 2002
• Josiane Sartre, Atget. L'art décoratif, 2002 (ISBN 2-08-010790-9)
• Le Paris d'Atget, Taschen, coll. « Icons », 2004
• Autour d'Atget ; Beauvais, Actualité des faubourgs, Jean de Calan, Guillaume Le Gall, Imaginayres 2005
• Sylvie Aubenas, Guillaume Le Gall (dir.), Atget : une rétrospective, Hazan, 2007.