Etimoloxía dos nomes das principais cidades do mundo

Nomes de persoa

• Nova York : polo Duque de York, futuro rei Xacobe II de Inglaterra.
• San Paulo : polo apóstolo San Paulo.
• Karachi : pola primeira moradora, unha vella pescadora, Mai Kolachee.
• Orlando : pola tumba atopada no lugar coa inscrición Orlando (Reeves).

Nomes relixiosos ou mitolóxicos

• Os Ánxeles : a vila de Nuestra Señora de los Ángeles de la Porciúncula.
• Mumbai : por Mumbadevi, encarnación local da deusa nai hindú.
• Bos Aires : cidade da Santísima Trinidad y puerto de Nuestra Señora del Buen Ayre.

Nomes tribais

• Cidade de México : pola tribo mexica dos aztecas.
• Delhi : polos Dhillon, clan Jat do norte de India e Paquistán.
• París : polos parisii, tribo gala que habitaba a rexión.
• Birmingham : fogar da tribo de Beorma (Beorma inga ham).
• Nottingham : fogar da tribo de Snot (Snot inga ham).
• Leeds : polo reino celta de Loidis onde se asentou a cidade.

Nomes topográficos e xeográficos

• Bruxelas : morada no pantano.
• Beijing : a capital do norte.
• Toquio : capital do leste.
• Shanghai : sobre o mar.
• Hong Kong : porto fragrante.
• Istanbul : á cidade (eis tin polin, istinboli).
• Londres : asentamento no río amplo.
• Osaka : longa pendente.
• Manchester : cidade no outeiro con forma de seo.
• Liverpool : remanso de augas pantanosas.

Nomes preexistentes

• Moscova : polo nome do río xunto ao que se asenta.
• Shenyang : polo nome que tiña o río ao sur da cidade.
• Calcuta : polo nome dunha aldea no lugar (Kalilata).
• Miami : polo río xunto a cuxa desembocadura se asenta (Mayaimi, auga doce e grande).
• Tampa : polo nome do poboado dos indios Calusa (Tanpa, pau de fogo, lóstrego)

Nomes de plantas

• Manila : hay nilad, arbusto de manglar abundante na zona.

Nomes xerárquicos ou administrativos

• Seúl : capital.
• Kyoto : a capital.

Nomes conmemorativos

• Xacarta : gran vitoria.
• O Cairo : a triunfante.