Estadio Nuevo Colombino

Na Galipedia, a Wikipedia en galego.

Coordenadas: 37°14′47″N 6°57′15″W / 37.24639°N 6.95417°W / 37.24639; -6.95417

Estadio Nuevo Colombino
Nuevo Colombino Huelva.jpg
Datos
Localización Huelva, España Flag of Spain.svg
Construción
Inauguración 8 de novembro de 2001
Arquitecto Joaquín Aramburu
Custo 14 millóns
Estadio
Superficie Céspede natural
Dimensións 105 x 68 m
Capacidade 21.670
Propietario Concello de Huelva
Localía Recreativo de Huelva
Eventos
Partidos internacionais amigables

O Nuevo Colombino é o estadio de fútbol do Recreativo de Huelva, decano do fútbol español. Foi inaugurado oficialmente o 8 de novembro de 2001 e substituíu ao antigo Estadio Colombino ou Estadio Municipal que se atopaba emprazado na barriada de Illa Chica desde 1957.

Historia[editar | editar a fonte]

O estadio foi proxectado polo arquitecto onubense Joaquín Aramburu cun orzamento de 14 millóns de euros e a cargo da empresa AZAGRA. Está situado na marxe da ría de Huelva, na actual Avenida do Decano (anteriormente Avenida de Francisco Montenegro). Foi deseñado para revitalizar a zona do porto coñecida como Barriada de Pescadería e para ofrecer ao seu titular, o Recreativo de Huelva, un estadio moderno e funcional acorde coas expectativas deportivas sobre o club. Dáse a casualidade que eses terreos foron os mesmos nos que se comezou a xogar ao fútbol na cidade alá polo século XIX.

Vista desde a Ría de Huelva
Vista da tribuna desde a praza principal.

A súa capacidade é de 21.670 espectadores sentados, incluíndo así mesmo trinta e dous palcos privados e setenta e dúas prazas en cabinas de prensa, sala de prensa de 110 metros cadrados, ximnasio de 226 metros cadrados e grandes vestiarios. Destaca nesta construción a súa tribuna principal, á que se accede desde o exterior a través dunha praza alta con vistas á ría e na que se atopan os despachos de billetes, a tenda oficial e un restaurante. No interior esta tribuna aparece cuberta por unha visera que cobre tanto a parte media como a alta. Na actualidade está en marcha un proxecto de ampliación do novo estadio, obra proxectada polo arquitecto Joaquín Aramburu e Francisco Botella, que permitirá que o campo conte con 5.000 novas localidades, pasando de 21.670 espectadores a 26.670.

Inauguración[editar | editar a fonte]

A tribuna, dando as costas á ría de Huelva, dispón na súa traseira dunha praza de lecer.

O Nuevo Colombino foi inaugurado oficialmente o 8 de novembro de 2001 nun partido entre o Recreativo de Huelva e o Newcastle inglés, no que o equipo onubense venceu por tres goles a cero, dous de Pavón e outro de Canterla. Poucos días despois a selección española xogou un partido amigable ante a de México dirixida por Javier Aguirre, á que venceu por un gol a cero, obra de Raúl. O primeiro partido oficial de liga xogouse o día 6 de xaneiro dese ano (xusto 71 anos logo da apertura do primeiro estadio recreativista, o Velódromo).

Véxase tamén[editar | editar a fonte]

Ligazóns externas[editar | editar a fonte]