Estadi Cornellà-El Prat

Na Galipedia, a Wikipedia en galego.
(Redirixido desde "Estadio Cornellà-El Prat")
Estadi Cornellà-El Prat
Estadi de Cornellà - El Prat.jpg
Vista exterior
Datos
Localización Av. del Baix Llobregat, 100, 08940;
Cornellà de Llobregat, España
Construción
Inauguración 2 de agosto de 2009
Arquitecto Reid Fenwick Asociados
Esteve Gasulla
Joan Tusquets
Custo 44.433.088,07
Estadio
Superficie Céspede
Dimensións 105 x 68 m
Capacidade 40.500
Propietario Espanyol
Localía Espanyol

O Estadi Cornellà-El Prat, oficialmente e por razóns de patrocinio Power8 Stadium[1], é un estadio de fútbol, propiedade do RCD Espanyol, situado no límite entre os concellos de Cornellà de Llobregat e El Prat de Llobregat, na provincia de Barcelona.

Inaugurado o 2 de agosto de 2009, é un estadio de categoría 4, a máxima outorgada pola UEFA, e ten unha capacidade para 40.500 espectadores, todos en bancadas cubertas, coa posibilidade dunha ampliación futura. O recinto ocupa unha superficie de 182.000 m² dos que 36.000 m² corresponden ao estadio.

Historia[editar | editar a fonte]

En 2002 o club adquiriu os terreos -unha parcela de 18,2 hectáreas- por 360.000 euros e o 1,9% do capital social do club (150.000 euros). Tras seis anos de obras, cun custo de 65 millóns de euros, o 5 de xuño de 2009 tivo lugar o simbólico acto de entrega de chaves ao RCD Espanyol.[2]

O partido inaugural disputouse o domingo 2 de agosto de 2009[3] entre o Espanyol e o Liverpool cun resultado favorable aos locais de 3-0, marcando o primeiro gol da historia deste estadio o asturiano Luis García, os outros dous tantos foron obra do israelí Ben Sahar. Daniel Jarque xogou o seu primeiro partido como capitán e tamén foi o último, xa que o futbolista falecía días despois na concentración do seu equipo en Italia.

Esteban Granero, do Real Madrid, foi o xogador que marcou o primeiro gol en competición oficial no novo estadio, o 12 de setembro de 2009 no primeiro partido de Liga do Espanyol en casa, correspondente á segunda xornada.[4]

Power8 Stadium[editar | editar a fonte]

En xuño de 2014 o Espanyol anunciou que o estadio pasaría a chamarse Power8 Stadium despois dun acordo con esa marca comercial, encargada de prover tecnoloxía ao sector das apostas deportivas. O club branquiazul cedeu os dereitos de nome do estadio e unha serie de activos comerciais durante as próximas 7 tempadas. Malia que o Espanyol non fixo públicas as cifras da operación, esta podería ascender a 35 millóns de euros.[5]

Características[editar | editar a fonte]

Panorámica do interior do estadio.
  • Estadio de 4 estrelas da UEFA.
  • Aforamento con capacidade para 40.500 espectadores.
  • Aparcadoiro no Estadio de 3.278 prazas.
  • Centro comercial adxunto ao estadio.
  • Estadio construído con criterios de eficiencia enerxética.
  • Placas fotovoltaicas na cuberta, produción de 1.113.000 W.
  • Estadio edificado sobre un soar de 36.000 .
  • Constará cun espazo memorial para depositar restos funerarios.
  • Construción totalmente accesible para persoas de mobilidade reducida.

Medio ambiente[editar | editar a fonte]

Estadi Cornellà-El Prat.

O Estadi Cornellà-El Prat é un dos primeiros campos de Europa na utilización de enerxía limpa. Xerando un aforro enerxético, utilizando tecnoloxía innovadora para reducir e rendibilizar os consumos de auga e electricidade.

En concreto a enerxía solar que serve para o autoabastecimiento como para a venda dos excedentes enerxéticos non consumidos. Para iso, sobre a cuberta alóxanse placas fotovoltáicas.

As placas fotovoltaicas (instaladas na cuberta do estadio) xeran electricidade para conectarse á rede eléctrica normal; e os paneis solares teñen un uso doméstico (quentar auga). O club calcula uns ingresos anuais de ao redor de 600.000 euros pola explotación das placas fotovoltaicas.

Viabilidade económica do proxecto[editar | editar a fonte]

Estimouse un custo de construción global de 90 millóns de euros, 40 de achegados pola empresa LAR, que construiría e explotaría a zona comercial anexa ao recinto deportivo. Desta contía de gastos pretendíase unha redución mediante subvencións das administracións públicas e acordos comerciais co patrocinio do estadio.

A viabilidade do proxecto fundaméntase nun acordo coa empresa LAR (39 millóns), para financiar o 50% do investimento fotovoltaico, ademais dunha ampliación de capital e diversos acordos de patrocinio que aínda non se cubriron. Segundo Morlanes, directivo do RCDE: "todas as empresas que participan no proxecto están obrigadas a ser patrocinadoras do club". En febreiro de 2008 o grupo Acciona Immobiliària quedouse co 100% do centro comercial.[6]

Finalmente, a obra que requiriu maior capital foi a construción, que tivo un custo de 44,189 millóns de euros, 20 millóns por urbanizar a zona, 1,017 millóns en seguridade e saúde e control de calidade, e 7,1 millóns en revisións de prezos.

Espazo memorial[editar | editar a fonte]

En xaneiro de 2008 o club presentou o proxecto de creación dun cemiterio no interior dunha das esquinas do novo estadio, que podería ser utilizado por calquera socio que así o desexara.[7] Este proxecto xa é unha realidade e os socios poden enterrar as súas cinsas detrás dunhas baldosas de cerámica colocadas nas paredes, con fotografías do equipo. Os socios tamén dispoñen dunhas placas co seu nome. Entre esas placas atopamos a de Dani Jarque.

Transporte público[editar | editar a fonte]

Xusto diante do estadio, na avenida do Baix Llobregat, hai unha parada de autobús na que paran as liñas 94 e 95 de TMB. As dúas liñas conectan coa L5 do Metro de Barcelona, coas liñas de tranvía do Trambaix, coa liña Llobregat-Anoia de FGC e con Rodalies de Catalunya.

A 500 metros de Cornellà-el Prat atópase a estación Cornellà-Riera de Ferrocarrils de la Generalitat de Catalunya, na que paran trens das liñas L8, S33, S4, S8, R5 e R6, todas con orixe na Plaça d'Espanya de Barcelona.

Estación Liñas Distancia ao estadio
Bus Barcelona.svg Av Baix Llobregat-Joan Fiveller 94
95
1 min
FGC.svg Cornellà-Riera L8.gif
S33 FGC.png S4 FGC.png S8 barcelona.svg R5 FGC.png R6 FGC.png
R50 barcelona.svg R60 barcelona.svg
6 min
FGC.svg Almeda L8.gif
S33 FGC.png S4 FGC.png S8 barcelona.svg R5 FGC.png R6 FGC.png
R50 barcelona.svg R60 barcelona.svg
11 min
Barcelona Metro Logo.svg Tramvia metropolita.svg Rodalies de Catalunya.svg Cornellà Centre L5.gif
T1.svg T2.svg
R1 barcelona.svg R4 barcelona.svg
13 min
Tramvia metropolita.svg Les Aigües T1.svg T2.svg 14 min


Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]