Espiñento

Na Galipedia, a Wikipedia en galego.
Espiñentos
Gasterosteus aculeatus tüskés pikó.jpg

O espiñento (Gasterosteus aculeatus aculeatus, Linnaeus 1758) é un peixe da familia Gasterosteidae, da orde Gasterosteiformes, de pequeno tamaño e caracterizado por posuír 2-4 espiñas illadas diante da aleta dorsal.

Morfoloxía[editar | editar a fonte]

Alcanza tamaños máximos de 11 cm de lonxitude, pero o tamaño medio ronda os 5 cm.

É de corpo comprimido, cuberto de placas óseas, coa boca moi pequena e dotada de varias filas de pequenos dentes. A aleta dorsal ten 11 a 13 radios brandos, e a anal 8-10, pero o máis característico é a presenza de 2-4 espiñas fortes illadas diante da aleta dorsal (tipicamente, tres), e unha diante da anal. Estas espiñas poden estar ergueitas ou manterse abatidas contra o corpo. A aleta caudal é pequena, de bordo recto e está precedida dun longo e estreito pedúnculo caudal.

A cor é gris, azulenta, ou verde oliva, cos costados prateados. Nos machos, os flancos tórnanse vermellos durante a freza.

Hábitat e bioloxía[editar | editar a fonte]

Trátase dunha especie de vida mariña pero tamén presente en augas salobres e en auga doce.

Distribúese pola costa norte dos océanos Atlántico e Pacífico, entre os 26º e os 71º Norte, en augas pouco profundas (ata 100 metros).

Aliméntase de pequenos peixes, de ovos de peixes e de pequenos crustáceos.

Taxonomía[editar | editar a fonte]

Na especie Gasterosteus aculeatus admítense tres subspecies:

  • Gasterosteus aculeatus aculeatus, Linnaeus, 1758. É a subespecie común en Europa.
  • Gasterosteus aculeatus santaeannae, Regan, 1909. Restrinxida a Norteamérica.
  • Gasterosteus aculeatus williamsoni, Girard, 1854. Propia do sur de California e México.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Espiñento