Especie chave

Na Galipedia, a Wikipedia en galego.
Lontra de mar.

Unha especie chave é unha especie que produce un efecto desproporcionado sobre o seu medio ambiente en relación coa súa abundancia.[1] Tales especies afectan a moitos outros organismos nun ecosistema e axudan a determinar os tipos e números doutras especies nunha comunidade.

Un ecosistema pode experimentar un cambio dramático se desaparece unha especie chave, mesmo aínda que esa especie sexa unha pequena parte do ecosistema en medidas de biomasa ou produtividade. Converteuse nun concepto moi popular en bioloxía da conservación.

Definición[editar | editar a fonte]

A definición dada aquí é dalgún modo cualitativa na súa natureza, xa que non existe aínda unha definición aceptada e rigorosa.[2] Un tema a tratar é como medir abundancia e impacto e en que punto trazar a liña. A abundancia neste contexto pode medirse pola biomasa ou a produtividade, entre outras magnitudes. O impacto é mesmo máis difícil de definir. Suxeriuse que tales depredadores chave poden identificarse nos ecosistemas pola súa dominancia na biomasa dentro de grupos funcionais ecolóxicos.

Unha especie chave non é simplemente aquela cuxa desaparición alteraría o ecosistema. A eliminación de calquera especie abondosa de calquera ecosistema alterará drasticamente ese ecosistema por definición. O realmente importante deste concepto de especie chave é o feito de que unha especie cunha pegada física relativamente pequena poida ser crítica para a saúde do seu ecosistema.

Notas[editar | editar a fonte]

  1. Paine, R.T. (1995). "A Conversation on Refining the Concept of Keystone Species". Conservation Biology 9 (4): 962–964. DOI:10.1046/j.1523-1739.1995.09040962.x. 
  2. Power, M.E.; Tilman, D.; Estes, J.A.; Menge, B.A.; Bond, W.J.; Mills, L.S.; Daily, G.; Castilla, J.C.; Lubchenco, J.; Paine, R.T. (1996). "Challenges in the Quest for Keystones". BioScience 46 (8): 609–620. DOI:10.2307/1312990. http://links.jstor.org/sici?sici=0006-3568(199609)46%3A8%3C609%3ACITQFK%3E2.0.CO%3B2-7.