Esmegma

Na Galipedia, a Wikipedia en galego.

O esmegma é un produto que se acumula no espazo balanoprepucial (entre o prepucio e a glande) nos homes incircuncisos, procedente do recambio celular da glande e a porción interna do prepucio xunto co sebo proveniente das glándulas de Tyson.

Xorde como unha materia abrancazada, untuosa e fedorenta cando está en descomposición. Serve para protexer e lubricar o espazo prepucial. A súa presenza en homes incircuncisos pode provocar irritación do pene se non se limpa regularmente, e unha inflamación do glande ou bálano, denominada balanite.

Para limpalo só fai falla descubrir o glande e limpalo con auga e xabón durante a ducha ou outra forma de aseo.

Tamén aparece nas mulleres, entre os labios vulvares.