Escala Fujita-Pearson

Na Galipedia, a Wikipedia en galego.
Esquema da escala Fujita, deseñado polo propio Dr. Tetsuya Fujita
Danos causados por un tornado F4 pola escala Fujita

Existen varias escalas para medir a intensidade dun tornado, pero a máis aceptada universalmente durante unha época foi a Escala de Fujita (ou tamén chamada Fujita-Pearson Tornado Intensity Scale), elaborada en 1971 por Tetsuya Fujita e Allan Pearson da Universidade de Chicago. Esta escala baséase na destrución ocasionada ás estruturas construídas polo ser humano e non no tamaño, diámetro ou velocidade do tornado. Non se pode, entón, mirar un tornado e calcular a súa intensidade. Débese avaliar os danos causados con posterioridade.

Esta escala foi substituída en 2007 pola Escala Fujita-Pearson mellorada.

Escala[editar | editar a fonte]

Aínda que a escala abarca teoricamente 13 graos, todos os tornados rexistrados están comprendidos nos 6 inferiores:

Intensidade Velocidade do vento Danos
F0 60-116 km/h (45- 72 mph) Leves.
F1 117-180 km/h (73-112 mph) Moderados. Estes tornados poden levantar tellas ou mover coches mentres se desprazan. Poden tumbar trailers e os barcos pódense afundir.
F2 180-251 km/h (113-157 mph) Considerables. Os tellados dalgunhas casas poden ser levantados, os trailers e casas rodantes que estiveran no camiño do tornado serán demolidos. Este tornado tamén pode descarrilar vagóns de tren.
F3 252-330 km/h (158-206 mph) Graves. Árbores poden ser arrincadas de raíz e as paredes e tellados de edificios sólidos poden ser arrincados con total facilidade.
F4 331-416 km/h (207-260 mph) Devastadores. Motores de tren e de camións de 40 toneladas poden lanzarse facilmente polos aires.
F5 417-512 km/h (261-318 mph) Extremadamente destrutivos. Tornados con esta intensidade destrúen todo no seu camiño. Os coches poden lanzarse como se foran xoguetes, e edificios enteiros poden levantarse do piso. A forza é similar á da bomba atómica. Coñecido coloquialmente como o "Dedo de Deus".
F6 513-610 km/h (319-379 mph) Dano inconcibible. Nunca se tivo rexistrado un tornado destas magnitudes, exceptuando en simuladores.

Véxase tamén[editar | editar a fonte]

Ligazóns externas[editar | editar a fonte]