Ernst Busch (militar)

Na Galipedia, a Wikipedia en galego.
Non se debe confundir con Ernst Busch (actor).
Ernst Busch.

Ernst Busch, nado en Essen-Steele o 6 de xullo de 1885 e finado o 17 de xullo de 1945, foi un mariscal de campo alemán durante a Segunda Guerra Mundial.

Traxectoria[editar | editar a fonte]

Foi educado na Groß Lichterfelde Cadet Academy. Ingresou no exército alemán en 1904, e serviu na fronteira occidental durante a Primeira Guerra Mundial. Outorgóuselle a máxima condecoración prusiana, Pour le Mérite, en 1918. Tras a guerra, Busch permaneceu no Exército, sendo nomeado Inspector de Transporte de Tropas en 1925. Foi ascendido a Tenente Coronel e outorgóuselle o mando do noveno Rexemento de infantaría.

Participou con éxito na batalla de Francia e na Operación Barbarroxa ou invasión da Unión Soviética. Aquí acadaría a condición de mariscal de campo e tamén a súa destitución por Adolf Hitler tras as derrotas xermanas de 1944 na fronte oriental.

Hitler chamaríao para frear a Montgomery tras o avance aliado que seguiu ao desembarco de Normandía. Tarefa que lle resultou imposible. Finou nun campo de prisioneiros.

Véxase tamén[editar | editar a fonte]

Commons
Commons ten máis contidos multimedia na categoría: Ernst Busch

Ligazóns externas[editar | editar a fonte]