Equeneidos

Na Galipedia, a Wikipedia en galego.
Echeneis naucrates

Os Equeneidos (Echeneidae) ou rémoras son unha familia de peixes mariños incluída na ordedos Perciformes. Están distribuídas por tódolos océanos do mundo.

As rémoras caracterízanse por se adheriren a outros peixes máis grandes, tartarugas, baleas etc., practicando un comensalismo típico. Algunhas especies presentan unha gran especificidade pola especie do hóspede ó que pegan.

Actúan como limpiadores dos seus anfitrións e aliméntanse dos restos de alimento que deixan estes.

Características[editar | editar a fonte]

Teñen un corpo alargado, con escamas cicloideas pequenas. A cabeza está aplastada e presenta na parte superior un disco elíptico, "disco de succión", dotado de entre 10 e 28 láminas ou cristas tranversais que lles permiten adherirse con forza á pel doutros animais maiores ó producir o baleiro. Probablemente esta formación evolucionou a partir dunha espiña da aleta dorsal. Boca terminal, algo súpera, coa mandíbula inferior proxectada cara diante e sobrepasando claramente a superior. Carecen de vexiga natatoria.

Aletas dorsal e anal opostas, posteriores e con 18-40 radios brandos, sen espiñas. As pectorais e pelvianas insírense ó mesmo nivel. Caudal fendida.

As tallas máximas chegan a 1 m de lonxitude (Echeines naucrates). A especie máis pequena só mide 17 cm.

Clasificación[editar | editar a fonte]

Dugong arrastrando unha rémora

Divídense en catro xéneros e oito especies:

  • Xénero Echeneis (Linnaeus, 1758):
    • Echeneis naucrates (Linnaeus, 1758)
    • Echeneis neucratoides (Zuiew, 1786)
  • Xénero Phtheirichthys (Gill, 1862):
    • Phtheirichthys lineatus (Menzies, 1791)
  • Xénero Remora (Gill, 1862):
    • Remora australis (Bennett, 1840)
    • Remora brachyptera (Lowe, 1839)
    • Remora osteochir (Cuvier, 1829)
    • Remora remora (Linnaeus, 1758)
  • Xénero Remorina (Jordan y Evermann, 1896):
    • Remorina albescens (Temminck y Schlegel, 1850)

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Equeneidos
Wikispecies-logo.svg
Wikispecies posúe unha páxina sobre: Equeneidos