Cronobacter sakazakii

Na Galipedia, a Wikipedia en galego.
(Redirección desde «Enterobacter sakazakii»)

Cronobacter sakazakii é o nome dunha especie bacteriana da familia das Enterobacteriaceae, que antes de 2007 recibía o nome de Enterobacter sakazakii (xa non válido).[2][3] Son bacterias gramnegativas, con forma de bacilo, patóxenas. Esta bacteria é ubicua e foi illada en moitos ambientes e alimentos. A maioría de casos de infección por Cronobacter sakazakii prodúcense en adultos, e ademais pode causar máis raramente unha infección invasiva en nenos pequenos, que historiacemente chegou a ter taxas de mortalidade elevadas (40–80%).[4][5][6]

En nenos pode causar bacteremia, meninxite e enterocolite necrotizante. Algunhas infeccións neonatais por C. sakazakii estiveron asociadas co consumo de leite en po maternizado contaminado coa bacteria.[4][6][7] Tamén pode contaminar outros produtos como tampóns.[8]

Os casos de meninxite neonatal producidos nos últimos 30 anos nun estudo feito en 6 países débense todos [9] a unha soa liñaxe xenética da especie Cronobacter sakazakii chamada "Secuencia Tipo 4" (ST4).[10].

Segundo os estudos de análise de secuencias multilocus, C. sakazakii orixinouse dentro do xeu xénero hai ~15-23 millóns de anos..[11]

Taxonomía[editar | editar a fonte]

Foi definida como especie, co nome Enterobacter sakazakii en 1980 por Farmer et al.. Pero posteriormente, os estudos de hibridación ADN-ADN mostraron que E. sakazakii estaba relacionada ao 53–54% con especies de dous xéneros diferentes, Enterobacter e Citrobacter. Porén, Farmer et al. suxeriron que os diversos biogrupos descritos de E. sakazakii podían representar en realidade diferentes especies e que se necesitaba máis investigación para aclaralo.[1]

As relacións taxonómicas entre cepas de E. sakazakii foron estudadas despois utilizando a secuenciación completa dos xenes de ARNr 16S, hibridación ADN-ADN, tipificación de secuencias multilocus (MLST), f-AFLP, e ribotipificación automatizada. Estes estudos concluíron coa clasificación de E. sakazakii no novo xénero Cronobacter dentro da familia Enterobacteriaceae.[2][3][12]

Inicialmente en 2007, no xénero estaba incluída Cronobacter sakazakii (que comprendía dúas subespecies), e tres especies máis e unha xenomoespecie. A taxonomía foi revisada en 2008 para incluír unha quinta especie chamada C. malonaticus, a cal en 2007 era considerada unha subespecie de C. sakazakii. Actualmente (2012), o xénero ten sete especies.

Notas[editar | editar a fonte]

  1. ↑ 1,0 1,1 Farmer JJ III, Asbury MA, Hickman FW, Brenner DJ, the Enterobacteriaceae Study Group (USA) (1980). "Enterobacter sakazakii: a new species of "Enterobacteriaceae" isolated from clinical specimens". Int J Syst Bacteriol 30 (3): 569–84. doi:10.1099/00207713-30-3-569. 
  2. ↑ 2,0 2,1 Iversen C, Mullane N, Barbara McCardell; et al. (2008). "Cronobacter gen. nov., a new genus to accommodate the biogroups of Enterobacter sakazakii, and proposal of Cronobacter sakazakii gen. nov. comb. nov., C. malonaticus sp. nov., C. turicensis sp. nov., C. muytjensii sp. nov., C. dublinensis sp. nov., Cronobacter genomospecies 1, and of three subspecies, C. dublinensis sp. nov. subsp. dublinensis subsp. nov., C. dublinensis sp. nov. subsp. lausannensis subsp. nov., and C. dublinensis sp. nov. subsp. lactaridi subsp. nov". IJSEM. 
  3. ↑ 3,0 3,1 Joseph; et al. "Cronobacter condimenti sp. nov., isolated from spiced meat and Cronobacter universalis sp. nov., a novel species designation for Cronobacter sp. genomospecies 1, recovered from a leg infection, water, and food ingredients". Intl J Syst Evol Microbiol. Arquivado dende o orixinal o 07 de decembro de 2012. Consultado o 05 de setembro de 2014. 
  4. ↑ 4,0 4,1 Centers for Disease Control and Prevention (CDC) (2002). "Enterobacter sakazakii infections associated with the use of powdered infant formula--Tennessee, 2001". MMWR Morb Mortal Wkly Rep 51 (14): 297–300. PMID 12002167.  Free full text
  5. ↑ Lai KK (2001). "Enterobacter sakazakii infections among neonates, infants, children, and adults. Case reports and a review of the literature". Medicine (Baltimore) 80 (2): 113–22. PMID 11307587. doi:10.1097/00005792-200103000-00004. 
  6. ↑ 6,0 6,1 Bowen AB, Braden CR (2006). "Invasive Enterobacter sakazakii disease in infants". Emerging Infect Dis 12 (8): 1185–9. PMC 3291213. PMID 16965695. doi:10.3201/eid1208.051509. 
  7. ↑ Caubilla-Barron J & Forsythe S (2007). "Dry stress and survival time of Enterobacter sakazakii and other Enterobacteriaceae in dehydrated infant formula". Journal Food Protection 13: 467–472. 
  8. ↑ "FDA Recall of Kotex Tampons". Seeger Weiss LLP. Arquivado dende o orixinal o 05 de setembro de 2014. Consultado o 2012-02-29. 
  9. ↑ Baldwin; et al. "Multilocus sequence typing of Cronobacter sakazakii and Cronobacter malonaticus reveals stable clonal structures with clinical significance which do not correlate with biotypes". BMC Microbiology. 
  10. ↑ Joseph and Forsythe (2011). "Association of Cronobacter sakazakii ST4 with neonatal infections". Emerging Infectious Disease. Arquivado dende o orixinal o 08 de xuño de 2013. Consultado o 05 de setembro de 2014. 
  11. ↑ Joseph, E; et al. (2012). "Diversity of the Cronobacter genus as revealed by multi locus sequence typing". J Clin Microbiol 50 (9): 3031–3039. doi:10.1128/JCM.00905-12. 
  12. ↑ Iversen C, Lehner A, Mullane N; et al. (2007). "The taxonomy of Enterobacter sakazakii: proposal of a new genus Cronobacter gen. nov. and descriptions of Cronobacter sakazakii comb. nov. Cronobacter sakazakii subsp. sakazakii, comb. nov., Cronobacter sakazakii subsp. malonaticus subsp. nov., Cronobacter turicensis sp. nov., Cronobacter muytjensii sp. nov., Cronobacter dublinensis sp. nov. and Cronobacter genomospecies 1". BMC Evol Biol 7: 64. PMC 1868726. PMID 17439656. doi:10.1186/1471-2148-7-64.  Free full text
Traído desde «https://gl.wikipedia.org/w/index.php?title=Cronobacter_sakazakii&oldid=5883195»