En el nombre del cerdo
En el nombre del cerdo | |
---|---|
Autor/a | Pablo Tusset |
Cuberta | Gonzalo Goytisolo |
Orixe | España |
Lingua | castelán |
Colección | Áncora y Delfín (nº 1063) |
Xénero(s) | Novela negra |
Editorial | Ediciones Destino |
Data de pub. | 29 de agosto de 2006 |
Formato | 14,5 x 22,7 cm. edición rústica cosida a fío |
Páxinas | 448 |
ISBN | ISBN 978-84-233-3861-4 |
[ editar datos en Wikidata ] |
En el nombre del cerdo é a segunda novela de David Homedes Cameo, publicada en 2006 co pseudónimo de Pablo Tusset.
Trama[editar | editar a fonte]
Trata de dúas historias entrelazadas. A dun comisario que investiga unha morte nun matadoiro, e a de T, outro policía que escapa a Nova York e posteriormente escapa dalí, e remata investigando o primeiro caso ó ir vivir á aldea onde ocorreu.
Máis alá da trama, o autor fala da vida desde a perspectiva do comisario, de 65 anos, e desde a de T, de 43.
O comisario é feliz, e busca unha nova mocidade, pero un accidente trunca as súas ilusións.
T escapa de si mesmo, non atopa a felicidade. Está cheo de medos e non logra ter estabilidade. Ó final desdóblase nunha especie de Mr. Hyde e Dr. Jeckyill. É un antiheroe, con moitas actitudes inmaturas e reprochables, que non chega a ser admirado por ninguén.
Máis que un relato policial é unha novela negra, con forte carga de retrato social (Barcelona-Nova York-San Juan de Horlà). Fai moita referencia á psicoloxía dos psicópatas e psicóticos, e algúns parágrafos sobre a vida e a morte.
Os habitantes da aldea divídense en forasteiros e autóctonos. Algúns dos forasteiros, personaxes secundarias, son moi interesantes e teñen conversas moi útiles, pois teñen diversas procedencias e dan diferentes puntos de vista.
No penúltimo capítulo, coa escusa de que o protagonista está alucinando co estramonio, o autor desvaralla demasiado, e o final non está nada claro, un "lado escuro" que deixa portas abertas á imaxinación do lector.
Ten tamén moitas referencias musicais, e literarias, desde Gustave Flaubert a Guy de Maupassant.
Véxase tamén[editar | editar a fonte]
Ligazóns externas[editar | editar a fonte]
- ficha en Destino (en castelán)