Elusimicrobios

Na Galipedia, a Wikipedia en galego.
Elusimicrobios
Clasificación científica
Dominio: Bacteria
Filo: Elusimicrobia
Clases, Ordes, Familias, Xéneros

O filo dos elusimicrobios (Elusimicrobia) antes coñecido como "Grupo 1 Térmites" é un filo de bacterias recentemente proposto, difundido amplamente en moitos ecosistemas como ambientes mariños, lodos residuais, sitios contaminados, solos e dentro de térmites e outros insectos. A gran abundancia dos Elusimicrobia está evidenciada polas mostras de ARNr atopadas en distintos ambientes, pero as liñaxes que viven como endosimbiontes nas térmites son as máis coñecidas e estudadas. [1]

O primeiro organismo do grupo que foi cultivado foi Elusimicrobium minutum (clase Elusimicrobia). Esta especie foi atopada dentro de larvas de escaravellos; é un diminuto bacilo Gram-negativo dunha lonxitude máxima de 0,3 microns, que fermenta azucres.

Foron tamén foron parcialmente descritas outras dúas especies, que se situaron nunha clase separada e bastante distante, coñecida como Endomicrobia. Os Endomicrobia viven dentro de protistas que á súa vez están no aparato dixestivo das térmites, onde estes protistas realizan a dixestión da lignocelulosa. [2]


Filoxenia[editar | editar a fonte]

O cladograma mostra a taxonomía actualmente aceptada do grupo baseada na LPSN (List of Prokaryotic names with Standing in Nomenclature) [3] e no NCBI (National Center for Biotechnology Information) [4] e na filoxenia baseada nas secuencias do ARNr de 16 S da LTP 106 do Proxecto The All-Species Living Tree. [5]



Elusimicrobium minutum Geissinger et al. 2010


  'Candidatus Endomicrobium' ♥

'Candidatus E. pyrsonymphae' ♥ Sting et al. 2005



'Candidatus E. trichonymphae' ♥ Sting et al. 2005




Notas: ♥ Estirpes non atopadas no NCBI (National Center for Biotechnology Information) e listadas na LPSN.

Notas[editar | editar a fonte]