Els vampirs no creuen en Flanagans
| Els vampirs no creuen en Flanagans | |
|---|---|
| Autor/a | Andreu Martín e Jaume Ribera |
| Orixe | Cataluña |
| Lingua | catalán |
| Xénero(s) | Novela negra, literatura xuvenil |
| Data de pub. | 2003 |
| Precedido por | Flanagan, só Flanagan |
| Seguido por | O diario vermello de Flanagan |
| [ editar datos en Wikidata ] | |
Els vampirs no creuen en Flanagans é un libro de Andreu Martín e Jaume Ribera, publicado en 2003. É o noveno da saga protagonizada polo detective xuvenil Flanagan.
Trama[editar | editar a fonte]
Flanagan, a súa moza Nines e catro máis do grupo de amigos de Nines pasan unha noite de decembro nun piso dela que está en obras. Aproveitan para falar de contos de medo, e de asasinos en serie, como Jack o Destripador, Peter Kürten (o vampiro de Düsseldorf) ou Andrei Chikalito. Cristian propón ir pasar as festas de Nadal a Floc, unha aldea nos Pireneos onde un asasino en serie, un tolo que se cría vampiro, matou a catro persoas. O Pastor Asustado, como é coñecido o tolo do rapaz, está internado nun sanatorio mental.
Hospédanse no hostal onde se cometeu un dos asasinatos, e Flanagan vese obrigado, para demostrar a súa valentía ante Cristian, a pasar a noite nun castelo onde se supón que habitaba o vampiro. Pero o asasino escapou do sanatorio, e o pánico comeza a estenderse entre os turistas hospedados no hostal.
Pero Flanagan descobre que o invento da historia do vampiro e mesmo un asasinato imputado a el, son obra do dono do hostal, que se viu estafado e necesitou matar para conseguir cartos.
Así mesmo, a petición de María Gual, é capaz de desenmascarar a Deep Blue, un rapaz que chateaba coa amiga de Flanagan.
Narración[editar | editar a fonte]
Nesta ocasión, e malia as dúbidas que lle xorden acerca de se lle convén a relación de parella cunha rapaza doutra clase social ben distinta, está moi a gusto con Nines. Non quere facer grandes plans de futuro, pero os aloumiños e apertas son constantes, malia as confusións eternas e os celos imprescindibles.