Elisabeth Knight Britton
  | |
| Biografía | |
|---|---|
| Nacemento | (en) Elizabeth Gertrude Knight 9 de xaneiro de 1858 Nova York, Estados Unidos de América |
| Morte | 25 de febreiro de 1934 (76 anos) Bronx, Estados Unidos de América |
| Lugar de sepultura | Moravian Cemetery (pt)  |
| Datos persoais | |
| Residencia | Cuba |
| País de nacionalidade | Estados Unidos de América |
| Educación | Hunter College (en) |
| Actividade | |
| Campo de traballo | Botánica |
| Ocupación | botánica , ilustradora , deseñadora , cartelista , brióloga , conservadora , coleccionista de plantas |
| Membro de | |
| Interesado en | Brión e briófitas |
| Alumnos | Abel Joel Grout (pt) |
| Lingua | Lingua inglesa |
| Obra | |
| Abreviación dun autor en botánica | E.Britton |
| Arquivos en | |
| Familia | |
| Cónxuxe | Nathaniel Lord Britton |
Elisabeth Knigth Britton, nada en Nova York o 9 de xaneiro de 1858 e finada no Bronx o 25 de febreiro de 1934, foi unha botánica e escritora estadounidense, que contribuíu ó coñecemento dos musgos.
Traxectoria[editar | editar a fonte]
Elizabeth Knight creceu en Cuba, onde a súa familia tiña unha plantación de azucre. Asistiu a colexios en Cuba e Nova York e en 1875 graduouse na Escola Normal. Durante 10 anos traballou nese mesmo centro, e durante este tempo construíu unha reputación como botánica afeccionada. Cara a 1883 especializouse en brioloxía, o estudo dos musgos, e publicou o seu primeiro artigo nese campo.
En agosto de 1885 casou con Nathaniel L. Britton, xeólogo. Nathaniel pronto se volveu cara á botánica, facendo conxuntamente con el varios viaxes para recollida de campo nas indias occidentais. En 1886-1888 foi editora do Bulletin of the Torrey Botanical Club, do que foi membro dende 1879. Coa axuda prestada polo Club e outras persoas interesadas, o matrimonio liderou a creación dun xardín botánico en Nova York. O New York Botanical Garden foi rematado no 1891, e no 1896 Nathaniel Britton foi o primeiro director da institución. O herbario de Columbia foi transferido alí en 1899, e Elisabeth tomou ó seu cargo, de xeito non oficial, a colección de musgos do departamento de botánica de Columbia e de xeito gradual foi construíndo unha impresionante colección, incrementada pola compra da xa recollida polo suízo August Jaeger no 1893. No 1912 outorgóuselle o cargo de xeito honorario.
Outras actividades[editar | editar a fonte]
De xeito paralelo desenvolveu outras actividades. Así, en 1902 fundou a 'Wild Flower Preservation Society of America', sociedade americana para a preservación da flora salvaxe, da que foi en diferentes períodos secretaria e tesoureira. A través da sociedade e diversas publicacións liderou movementos que lograron salvar diferentes flores en perigo ó longo dos Estados Unidos. De 1916 a 1919 foi presidente da Sullivan Moss Society, que axudara a fundar en 1898 e que no 1949 pasou a ser a American Bryological Society. Publicou 346 artigos científicos entre 1881 e 1930, e ten 15 especies e 1 xénero de musgos (Bryobrittonia) que levan o seu nome.
Véxase tamén[editar | editar a fonte]
Outros artigos[editar | editar a fonte]
- A ciencia ten nome de muller (en Wikibooks)
