Eleanor Bron

Eleanor Bron
Nacemento	Eleanor Bron 14 de marzo de 1938 (75 anos) Stanmore, Middlesex, Inglaterra
Profesión	Actriz e escritora
Cónxuxe(s)	Cedric Price (falecido)
Ficha na IMDb

Eleanor Bron nada o 14 de marzo de 1938 en Middlesex, Inglaterra é unha escritora e actriz de televisión, cinema e teatro.

Biografía

É descendente de xudeus da Europa Occidental. O seu pai acurtou o apelido "Brontein" por "Bron" na honra ó fundador da Bron`s Orchestral Service.

Estudou no norte de Inglaterra no Collegiate School e no Newnham College, en Cambridge. Estivo casada co arquitecto Cedric Price até o seu falecemento no 2003. Non tiveron fillos. O seu irmán é o produtor Gerry Bron.

Traxectoria cinematográfica

Eleanor Bron comezou a súa carreira no Cambridge Footlights con The Last Laugh. A actriz apareceu no filme Help! cos Beatles no papel de Ahme. Paul McCartney tamén tomou o seu nome para a canción "Eleanor Rigby".

Tamén interpretou a doutora que fixo razoar ó casanova interpretado por Michael Caine en Alfie, a inalcanzábel Margaret Spencer no filme de Peter Cook e Dudley Moore Bedazzled, Hermione Roddice en Women in Love de Ken Russell, e Lydia Reynols no drama A Touch of Love. Aparece no filme Two for the Road xunto a Albert Finney, Audrey Hepburn e William Daniels. Máis recentemente colaborou nas adaptacións cinematográficas de A princesiña, The House of Mirth, Black Beauty e Wimbledon.

Bron é citada acotío como unha inspiración para a canción dos Beatles “Eleanor Rigby”. É nomeada na canción “Yo la Tengo” de Tom Courtenay, na estrofa: “dreaming 'bout Eleanor Bron, in my room with the curtains drawn...".

Obra

É autora de varios libros, entre os que destacan “Life and other Punctures”, unha historia sobre a volta ciclista en Francia e Holanda sobre unha bicicleta, e “The Pillow Book of Eleanor Bron”.

Filmografía

• Help! (1965)
• Cucumber Castle (1970)
• The National Health (1973)
• A princesiña (1995)

Véxase tamén

Ligazóns externas

• Ficha na IMDb (en inglés)