El Heraldo Gallego (1874)
Na Galipedia, a Wikipedia en galego.
- Para outras páxinas con títulos homónimos véxase: El Heraldo Gallego.
El Heraldo Gallego foi un xornal galego que apareceu en Ourense entre 1874 e 1880.
[editar] Traxectoria
Subtitulado Semanario de Ciencias, Artes y Literatura, o seu primeiro número saíu á rúa o 1 de xaneiro de 1874. Inicialmente tivo unha periodicidade semanal, para pasar en 1876 a bisemanal e un ano despois a quincenal; en 1880 volveu ser bisemanal. Fundado e dirixido por Valentín Lamas Carvajal, nel colaboraron, entre outros, Alfredo Vicenti, Aureliano Pereira, Juan Antonio Saco y Arce, Filomena Dato Muruais, Arturo Vázquez Núñez e José Pérez Ballesteros. Tratou sobre todo temas literarios, históricos, debates eruditos, cuestións arqueolóxicas e culturais. Cesou a súa publicación o 23 de outubro de 1880, cando levaba 408 números publicados.
