Economía do Paraguai
| Economía de Paraguai | |
|---|---|
| Moeda | Guaraní |
| Organizacións comerciais de que fai parte | OMC, Mercosur, Unasur |
| Datos estatísticos[1] | |
| PIB | 28,28 mil millóns (2009) |
| Posición do PIB | 108ª no mundo[2] |
| Crecemento do PIB | -3,5% (2009) |
| PIB per cápita | $ 4.100 (2009) |
| PIB por sector | agricultura 22,3%, industria 18,1%, comercio e servizos 59,6% (2009) |
| Inflación | 1,9% (2009) |
| Poboación abaixo da liña da pobreza | 19,4% (2005) |
| Total da forza de traballo | 2.981.000 (2009) |
| Forza de traballo por sector | agricultura 26,5%, industria 18,5%, comercio e servizos 55% (2008) |
| Desemprego | 7,9% (2009) |
| Industrias | azucre, cemento, téxtiles, bebidas, produtos de madeira, acero, metalurxía, enerxía electrica |
| Parcerías comerciais[1] | |
| Exportacións | 3 167 millóns (2009) |
| Produtos de exportación | soxa, alimentos, algodón, carne, aceites comestíbeis, electricidade, madeira, coiro |
| Principais mercados | Brasil 21%, Uruguai 17%, Chile 12%, Arxentina 11%, Rusia 4% (2009) |
| Importacións | 6 497 millóns (2009) |
| Principais produtos importados | vehículos automotores, bens de consumo, tabaco, derivados de petroleo, máquinas electricas |
| Principais mercados | República Popular de China 30%, Brasil 23%, Arxentina 16%, Estados Unidos 5% (2009) |
| Finanzas públicas[1] | |
| Débeda externa | 3,22 mil millóns (2009) |
| Receitas | 2 323 millóns |
| Despesas | 2 444 millóns (2009) |
Paraguai, país sen litoral cunha grande economía informal, destácase pola reexportación de bens de consumo aos seus veciños, así como pola actividade de pequenas e micro empresas e de vendedores urbanos. Unha parte considerable da súa poboación vive da agricultura, especialmente a de subsistencia[1].
Debido á extensión do sector informal, informacións económicas precisas son difíciles de obter. As actividades agrícolas e gandeiras, comerciais e de servizos predominan. O sector industrial aínda non se atopa moi desenvolvido, e baséase principalmente no procesamiento de bens agrícolas e gandeiras. O país é o 6º produtor mundial de soia[1].
A Usina Hidroeléctrica de Itaipú (na fronteira co Brasil) abastece 95% das necesidades paraguaias, e permite exportar o excedente ó país veciño. O Paraguai tamén é membro do Mercosur dende a fundación do bloco, en 1991.
A economía creceu rapidamente entre o 2003 e o 2008, debido ao crecemento da demanda combinada coa alza de prezos dos produtos primarios, axudado por condicións climáticas favorables. Con todo, unha seca o comezo de 2008 reduciu as exportacións de produtos agrícolas antes da recesión global. Debido á redución das exportacións, a economía sufriu unha caída de 3,5% o 2009. O goberno reaccionou a través de medidas de estímulo fiscal e monetario. A corrupción, os limitados progresos nas reformas económicas e a precaria infraestrutura son obstáculos ao crecemento a longo prazo[1].
