Economía de Afganistán
| Economía de Afganistán | |
|---|---|
| Moeda | afgani |
| Organizacións comerciais de que fai parte | SAARC, OCE |
| Datos estatísticos[1] | |
| PIB | 29,81 mil millóns (2010) |
| Posición do PIB | 110ª no mundo[2] |
| Crecemento do PIB | 8,9% (2010) |
| PIB per cápita | $ 1000 (2010) |
| PIB por sector | agricultura 31%, industria 26%, comercio e servizos 43% (2008) |
| Inflación | 13,3% (2010) |
| Poboación abaixo da liña da pobreza | 36% (2008) |
| Total da forza de traballo | 15 millóns (2010) |
| Forza de traballo por sector | agricultura 78,6%, industria 5,7%, comercio e servizos 15,7% (2008) |
| Desemprego | 35% (2010) |
| Industrias | pequena produción de textis, xabón, móbiles, calzados, fertilizantes, cemento; alfombras feitas a man, gas natural, petróleo, carbón, cobre |
| Parcerías comerciais[1] | |
| Exportacións | 547 millóns (2010) |
| Produtos de exportación | opio, froitas e sementes, alfombras, la, algodón, peles, pedras preciosas e semipreciosas |
| Principais mercados | Estados Unidos 26,47%, India 23,09%, Paquistán 17,36%, Taxiquistán 12,51% (2009) |
| Importacións | 5 300 millóns (2010) |
| Principais produtos importados | bens de capital, alimentos, textis, derivados de petróleo |
| Principais mercados | Paquistán 26,78%, Estados Unidos 24,81%, India 5,15%, Alemaña 5,06%, Rusia 4,04% (2009) |
| Finanzas públicas[1] | |
| Débeda externa | 2,7 mil millóns (2009) |
| Receitas | 1 mil millón (2010) |
| Despesas | 3,3 mil millóns (2010) |
A economía de Afganistán recupérase de décadas de conflitos, e mellorou logo da caída do Taliban o 2001, especialmente pola axuda estranxeira e a recuperación da agricultura[1]. Os millóns de dólares recibidos de axuda internacional despois de 2002 e os envíos feitos por expatriados – que o 2006 atinxiron 3,3 mil millóns de dólares[3] - contribuíron para esta mellora da economía. Para esta recuperación axudou tamén o fin dunha seca que se prolongou por catro anos, e melloras na agricultura. Aínda así o Afganistán é un dos países máis pobres do mundo.
Case a metade da poboación sofre coa falta de vivendas, de auga potable, electricidade e emprego. O goberno do país e os organismos de axuda internacional procuraron nos últimos anos atender estas necesidades básicas con investimentos en infraestrutura, educación, construción de casas, programas de emprego, asistencia médica, e reformas económicas.
Agricultura [editar]
A economía do Afganistán continúa dependente da agricultura a pesar de apenas 12% de seu territorio ser arable, e menos de 6% ser cultivado. A produción é pouca pola dependencia de caídas de neve e chuvias irregulares, e a irrigación é pouca. Hai pouco uso de máquinas agrícolas, pesticidas e fertilizantes químicos.
