Equinodermo

Equinodermos
"Echinidea" de Ernst Haeckel
Clasificación científica
Reino: Animalia Superphylum: Deuterostomia Phylum: Echinodermata
Superfilos e Clases
Homalozoa † Pelmatozoa Edrioasteroidea † Crinoidea Eleutherozoa Asteroidea Concentricycloidea Echinoidea Holothuroidea Ophiuroidea

Os equinodermos (Echinodermata, do grego ekhinos, "espiña" e derma, "pel") son un filo de animais deuteróstomos de simetría radial xeralmente pentámera, e viven unicamente nos mares xa que son incapaces de regular axeitadamente o contido acuoso do seu corpo polo que non poden acceder a hábitats con auga doce.

Os equinodermos xurdiron no Cámbrico, hai uns 600.000.000 de anos, e a día de hoxe seguen sendo un dos filos máis importantes contendo cerca de 7.000 especies viventes e arredor de 13.000 extintas .

Características

Este grupo ten, ademais da súa particular simetría que o fai doado de recoñecer, unhas características propias que se poden resumir a continuación:

1. Teñen un esqueleto interno (endoesqueleto) formado por ósiculos calcáreos., que aparece recuberto por unha epiderme con cilios.
2. O celoma e amplo e complexo e da lugar ao sistema hemal e sistema ambulacral característicos destes animais.
3. Son deuteróstomos e enterocélicos, co mesodermo derivado do arquenterón e o blastóporo orixina o ano, características todas elas comúns aos cordados.
4. A maioría dos membros deste grupo teñen un tubo dixestivo completo, con boca, esófago, intestino e ano.
5. O sistema circulatorio tamén se chama sistema hemal e esta formado por ringleiras de células con lagoas entre elas. Existen tamén un sistema perihemal que rodea ao anterior e que ten unhas cavidades chamadas senos e desenvolve un papel na nutrición do animal.
6. O sistema nervioso non está centralizado nunha zona cerebroidea (acefalia), e consta de tres aneis nerviosos dos que saen os nervios radiais cara os distintos brazos.
7. Carecen dun aparato respiratorio definido, só nalgúns presentan adaptacións para a respiración. Tamén carecen de sistema excretor.
8. Son dioicos, con órganos reprodutores sinxelos e gonoductos simples.
9. Teñen dous tipos de rexións: as cinco que posúen uns pés ou podios (ambulacro) e as que están no medio delas que carecen de podios (interambulacro).
10. As larvas nacen con simetría bilateral que logo os adultos transforman en simetría radial e nalgúns casos aparece unha simetría radial secundaria.

Filoxenia

O seguinte cladograma amosa as posibles relacións filoxenéticas dos principais grupos de equinodermos:

Echinodermata	Homalozoa † Helicoplacoidea † Edrioasteroidea* † Pelmatozoa Crinoidea Blastoiea † Eleutherozoa   Asterozoa    Somasteroidea † Asteroidea Ophiuroidea Echinozoa Holothuroidea Echinoidea

Clasificación

Classifications diverses actuelles

Segúndo o ITIS

• subfilo Eleutherozoa Bather, 1900
  • superclase Asterozoa Zittel, 1895
    • clase Asteroidea de Blainville, 1830
    • clase Somasteroidea Spencer, 1951
  • superclase Cryptosyringida Smith, 1984
    • clase Echinoidea Leske, 1778
    • clase Holothuroidea de Blainville, 1834
    • clase Ophiuroidea Gray, 1840
• subfilo Pelmatoza Bather, 1900
  • clase Crinoidea Miller, 1821

Segundo o WRMS:

• subfilo Asterozoa
  • clase Stelleroidea
    • subclase Asteroidea
    • subclase Ophiuroidea
• subfilo Crinozoa
  • clase Crinoidea
• subfilo Echinozoa
  • clase Echinoidea
  • clase Holothuroidea

Segundo o NCBI:

• sen rango Eleutherozoa
  • superclase Asterozoa
    • clase Asteroidea
    • clase Ophiuroidea
  • superclase Echinozoa
    • clase Echinoidea
    • clase Holothuroidea
• sen rango Pelmatozoa
  • clase Crinoidea

Bibliografía

• Meglitsch, P.A Zoología de invertebrados, 2ª edición. Ed.Pirámide, Madrid 1986 pp 759-761 ISBN 84-368-0316-7

Véxase tamén

• Estrelamar
• Ourizo do mar

Ligazóns externas

• Animaldiversity (en inglés)
• Proxecto árobore da vida (en inglés)
• NCBI (en inglés)

Galería de imaxes

• 

  Ourizos (Echinoidea)

• 

  Crinoideos (Crinoidea)

• 

  Holoturias(Holothuroidea)

• 

  Estrela de mar (Asteroidea)

• 

  Ofiura (Ophiuroidea)