DxT Campeón

Na Galipedia, a Wikipedia en galego.

DxT Campeón, subtitulado como "Primeiro Diario Deportivo de Galicia", é un xornal deportivo galego fundado por Ángel Hervada e Bieito Rubido. O primeiro número saíu á rúa o 19 de decembro de 1995.

Actualmente forma parte do grupo Editorial La Capital, que engloba, entre outros, os diarios El Ideal Gallego, Diario de Ferrol, Diario de Bergantiños ou Diario de Arousa.

Historia[editar | editar a fonte]

O seu primeiro director foi César Casal González, que permaneceu no posto até 1999, cando o sucedeu Juan Carlos Boga Sánchez, que en 2009 deixou seu posto a Andrés Ríos.

Tras varias tentativas, incluída a inicial, de converterse no diario deportivo de toda Galicia (inclusive con redaccións en Vigo e Santiago e corresponsalías en Ferrol, Lugo, Pontevedra e Ourense, ademais de en Madrid e Barcelona), na actualidade céntrase no deporte da comarca coruñesa e, por extensión, de toda a provincia.

Despois de ter diferentes cabeceiras (DxT, Campeón e Deporte Campeón), leva varios anos coa denominación actual.

Na súa redacción, sita no Polígono de Pocomaco (Mesoiro, A Coruña) traballan dezaseis periodistas, seis fotógrafos e outros tantos infógrafos.

Dende os seus comezos, pola súa redacción pasaron grandes ilustres do xornalismo deportivo galego.