Dolomita
Na Galipedia, a Wikipedia en galego.
A dolomita, denominada desa forma na honra do xeólogo francés Deodat Dolomieu, é un mineral composto de carbonato de calcio e magnesio [CaMg(CO3)2].
Abunda na natureza en forma de rochas dolomíticas e utilízase como fonte de magnesio e para a fabricación de materiais refractarios.
É de cor rosa e raia branca, con brillo vítreo algo perlado, posúe dureza 3,5 a 4 na escala de Mohs. A súa densidade varía entre 2,86 a 3,10. Cristaliza no sistema hexagonal, xeralmente en romboedros. Tamén se utiliza como fundente en metalurxia, manufactura de cerámica, pinturas e cargas brancas, como compoñente para fabricar o vidro.
