Apóstolo

O apóstolo Santiago no Concello de Santiago de Compostela. Praza do Obradoiro

Segundo o Novo Testamento, os doce apóstolos elixidos directamente por Xesucristo foron:

• Simón, alcuñado Pedro
• André, irmán de Pedro
• Santiago o de Zebedeo ou Santiago o Maior
• Xoán, o menor dos Doce, tamén fillo de Zebedeo. Este foi evanxelista.
• Filipe
• Bertomeu
• Tomé
• Mateo, o publicano (recadador de impostos para os invasores romanos), tamén evanxelista
• Santiago o Menor ou Santiago de Alfeo
• Xudas Tadeo
• Simón, o Celador ou Zelote
• Xudas Iscariote, o que traizoou a Xesucristo.

Despois da resurrección e ascensión de Xesús, e tralo suicidio de Xudas Iscariote, os once apóstolos restantes reuníronse e elixiron a Matías (o evanxelista) para completar novamente o número de doce. Ningún outro seguidor de Xesús, nin sequera da importancia de Paulo ("Apóstolo dos Xentís", ás veces considerado o verdadeiro fundador do cristianismo), se engadiría a este grupo.