Die Krupps

Na Galipedia, a Wikipedia en galego.
Die Krupps
Die Krupps, Mera Luna 2006.JPG
Orixe Düsseldorf, Alemaña Alemaña
Período 1980 - actualidade
Xénero(s) post-industrial, Electronic Body Music, metal industrrial
Selo(s) discográfico(s) Hollywood
Membros Jürgen Engler
Ralf Dörper
Marcel Zürcher
Rüdiger Esch
Nook
Antigos membros Bernward Malaka
Frank Köllges
Eva Gößling
Christina Schnekenburger
Walter Jaeger
Christopher Lietz
Lee Altus
Darren Minter
George Lewis
Oliver Röhl
Achim Färber


Die Krupps é unha banda alemá de rock industrial/EBM formada en Düsseldorf no ano 1980 por Jürgen Engler e Bernward Malaka.

Historia[editar | editar a fonte]

O seu son inicial durante os anos 80 combinaba sintetizadores con percusión metálica, eDie Krupps foi un grupo clave na progresión en Europa da Electronic Body Music, culminando coa colaboración en 1989 coa banda británica Nitzer Ebb nunha re-edición de Wahrer Lohn/Wahre Arbeit. En 1992 comezaron a usar guitarras e máis sons derivados do heavy metal, coa edición do seu álbum I. Foi un movemento pioneiro que permitiu que outras moitas bandas usaran unha combinación de electrónica e metal para conseguir un son industrial máis profundo.. A banda continuou ese camiño durante os anos 90, editando II en 1993. Un máis meditabundo e experimental III seguíuno en 1995. Despois da publicación do fortemente influenciado polo heavy metal Paradise Now en 1997, a banda separouse.

Unha das súas edicións máis famosas é o EP Tribute To Metallica, onde gravaron versión de temas de Metallica co seu característico estilo.

Jürgen Engler anunciou posteriormente a fundación dun novo proxecto, DKay.com. e editou dous álbums nos anos 2000 e 2002.

Ralf Dörper creou a banda Propaganda en 1982 despois de deixar Die Krupps, pero en 1989 regresaría.

Die Krupps celebrou o seu 25 aniversario con aparicións en grandes festivais europeos, edemais de aparicións en solitario nos anos 2005 e 2006.

No outono do 2007 foron editados dous álbums de grandes éxitos para celebrar o 25 aniversario do grupo: Too Much History - The Electro Years Vol. 1 e Too Much History - The Metal Years Vol. 2. Un dos discos amosa o seu lado máis electrónico e o outro o máis metaleiro. Ambolosdous combináronse no dobre álbum Too Much History.

Discografía[editar | editar a fonte]