Deserto de Tabernas

Na Galipedia, a Wikipedia en galego.
Paisaxe do deserto de Tabernas.
Grajilla, fauna propia.

O Deserto de Tabernas é considerado o único deserto de Europa. Está localizado na provincia de Almería (Andalucía, España), a uns 30 km ao norte da capital, Almería, nos termos municipais de Tabernas, Gádor, Santa Cruz, Alboloduy e Gérgal da provincia de Almería e protexido como Paraxe Natural nunha extensión de 280 km².

A súa situación entre a Serra de los Filabres ao norte e Serra Alhamilla ao sueste a aislan das correntes húmidas do próximo mar Mediterráneo, nunha zona de poucas choivas como é Levante español da Península Ibérica, deixan unhas precipitacións de só 243 mm. Xunto coas altas temperaturas medias ao longo de todo o ano (17 °C) e un dos maiores niveis de horas de sol posibles (3000 h), conforman o clima seco que dá lugar a este verdadeiro deserto. Todas estas características ven, ademais, agravadas polo efecto Foehn.

As poucas choivas adoitan ser torrenciais, co que o pobre chan de margas e areniscas sedimentarias que posúe moi pouca vexetación non consegue reter humidade, senón que ao contrario sofre maior erosión formando as características paisaxes de malpaís.

Os canles secos que de cando en vez teñen torrentes chámanse ramblas en todo o Levante español e no seu interior é onde se adoita refuxiar a escasa vexetación e fauna: cirrio común, Ourizo cacho, grajilla, ganga, roquero solitario, alcaraván, camachuelo trompetero, curuxeira.

Curiosidades[editar | editar a fonte]

O deserto de Tabernas, pola súa similitude cos desertos de Norteamérica, foi utilizado desde os anos 50 aos 80 para rodar moitas películas do denominado Spaghetti Western, coproducións hispano-italianas de western, con títulos como A morte tiña un prezo ou Por un puñado de dólares, con directores como Sergio Leone, músicas de Ennio Morricone e actores como Clint Eastwood. Kylie Minogue gravou nel o seu videoclip Some Kind of Bliss.