Descendemento de Xesús

Na Galipedia, a Wikipedia en galego.
Descendemento da Cruz.
1521. Por Rosso Fiorentino, no Museo de Volterra, Italia.

O Descendemento da Cruz ou Descendemento de Xesús é a escena, representada na arte, da retirada do corpo xa morto de Xesús da Cruz por Xosé de Arimatea e Nicodemos, relatado en Xoán 19,38-42.[1] Na arte bizantina, o tema tornouse moi popular no século IX e, no occidente, a partir do século X. O descendemento é a décimo terceira das estacións da Cruz.

Outras figuras, non mencionadas nos evanxeos canónicos e que son xeralmente incluídas nas representacións, son Xoán o Evanxelista, que aparece ás veces axudando a Virxe María (no tema coñecido como Desmaio da Virxe), como é o caso na obra de Rogier van der Weyden, e María Madalena. O Evanxeo de Xoán menciona un número indefinido de mulleres que asistirían á crucifixión de Xesús, incluíndo as chamadas "Tres Marías". Elas e outras, ademais doutros homes tampouco nomeados, xeralmente aparecen nas representacións.[2]

Relato evanxélico[editar | editar a fonte]

Logo da morte na cruz de Xesús de Nazaret, Xosé de Arimatea pediu a Pilato o corpo de Xesús; este preparou o descendemento e posterior sepelio de Xesús.

Durante o descendemento, estaban presentes, entre outros, María e María Madalena, ademais de Nicodemo e Xosé de Arimatea, que descenderon a Xesús da cruz, puxeron a escaleira primeiro detrás e logo diante da Cruz, subindo uns lenzos para axudarse para baixar o corpo.

Logo de descender totalmente o corpo, envolvérono desde os xeonllos ata a cintura e entregárono á súa nai (escena da "Piedade").

Na arte[editar | editar a fonte]

A súa iconografía inclúe o corpo morto de Cristo xunto con certos panos característicos (a sindone e o perizonium), o que dá oportunidade aos artistas de demostraren a súa habilidade no espido parcial masculino (en posturas especialmente forzadas) e nas roupaxes, así como na utilización da cor branca. Os rostros e ademáns do grupo que asistes á escena permiten o lucimento na captación de expresións. Adoita tamén darse importancia á propia cruz de Cristo e a certos símbolos da Paixón denominados arma Christi. A contorna paisaxística pode incluír a vista de Xerusalén desde o Gólgota.

Pintura[editar | editar a fonte]

Pintura
Cadro Título Ano Autor Museo Cidade País
O Descendemento da cruz n/d Fra Angelico Museo Nacional de San Marcos Florencia Italia Italia
O Descendemento da cruz 1633 Rembrandt Alte Pinakothek Múnic Alemaña Alemaña
O Descendemento da cruz 1521 Rosso Fiorentino Pinacoteca e Museo Civico Volterra Italia Italia
Tríptico do Descendemento da cruz 1611-1614 Rubens Catedral Antuerpen Países Baixos Países Baixos
O Descendemento da cruz h. 1436 Rogier van der Weyden Museo do Prado Madrid España España
Tríptico do Descendemento da cruz h. 1530 Ambrosius Benson Catedral Segovia España España

Escultura[editar | editar a fonte]

Escultura
Obra Título Anño Autor Museo Cidade País
O Descendemento da cruz h. 1178 Antelami, Benedetto Catedral Parma Italia Italia
Santísimo Cristo do Calvario 1814 Fernando Estévez Ermita del Calvario La Orotava España España

Notas[editar | editar a fonte]

  1. Xoán 19,38-42
  2. G. Schiller, Iconography of Christian Art, Vol. II, 1972 (English trans from German), Lund Humphries, London, p.164, ISBN 853313245