Dereito internacional

Na Galipedia, a Wikipedia en galego.
(Redirixido desde "Dereito Internacional")

O dereito internacional é o conxunto de normas, convenios e tratados que regulan as relacións entre os distintos estados e tamén concerne a estrutura e funcións das organizacións internacionais. O dereito internacional difire dos sistemas xurídicos en que se aplica a estados mais que a cidadáns privados e está integrado por acordos entre estados - tratados internacionais (tratados propiamente, pactos, convenios, cartas), memorandos, intercambio de notas diplomáticas, anexos, protocolos de tratados–, polo costume internacional, así como polos principios xerais do dereito. Tradicionalmente, diferénciase entre dereito internacional público e dereito internacional privado pero é o primeiro o que se adoita denominar simplemente dereito internacional, por canto o dereito internacional privado non configura un sistema autosuficente.