Deportivo da Coruña B

Deportivo B

Nome	Real Club Deportivo de La Coruña, S.A.D. B
Alcume(s)	Fabril Dépor B
Fundación	1914 (98 anos)
Estadio	O Mundo do Fútbol, Abegondo, Galicia
Inauguración	2003
Capacidade	3.000
Propietario
Presidente	Augusto César Lendoiro
Adestrador
Liga	3ª – Grupo 1
2011–12	6º
Vestimenta	Lotto Sport
Patrocinador	Estrella Galicia
Web oficial
Na casa Fóra

O Deportivo da Coruña B, que ten como nome oficial Real Club Deportivo de La Coruña B, é un equipo de fútbol galego, o filial do Deportivo da Coruña. Fundouse en 1953 e milita na Terceira División, tras descender na tempada 2010–11.

Tradicionalmente chámaselle Fabril, debido a que se fundou sobre o equipo coruñés do dito nome, que foi filial do Deportivo da Coruña.

Historia

As súas orixes remóntanse a 1914 cando é fundado o Fabril Foot-ball Club. O seu uniforme orixinal compúñase dunha camisola a bandas verticais azulgranas e un pantalón negro.

Na tempada 1953-54 o Fabril, con Luis Suárez nas súas filas, gañoulle ó Celta Turista na final do campionato galego afeccionado, sendo o primeiro equipo da Coruña en gañalo. Ese mesmo ano ascendeu a Terceira división.

A finais da década de 1950 e principios da de 1960 o club viuse inmerso nunha grave crise económica. Nese momento o Fabril asina un acordo co outro clube da cidade, o Deportivo, polo cal este asumiu todas as débedas do anterior, que pasaba a ser o seu filial baixo o nome de Fabril Deportivo.

Na tempada 1963-64 xogou a promoción de ascenso á Segunda división, pero non logrou subir de categoría.

Tras distintos cambios de categoría durante as décadas seguintes, en 1991 o Fabril conseguiu o ascenso a Segunda B con Paco Melo como adestrador. Máis tarde chegou a ser segundo adestrador do primeiro equipo durante a "era Irureta". O equipo só durou un ano na categoría, a 1991-92, volvendo a Terceira tras quedar 18º.

En 1993 asinouse un novo acordo entre o Deportivo e os dez socios membros do Fabril. Por este acordo o Fabril pasou a ser federativamente o Real Club Deportivo de La Coruña B.

Na tempada 1994-95 volveu ascender a Segunda B e nas tempadas 1996–97 e 1997–98 xogou a liguiña de ascenso a Segunda División, aínda que non logrou subir.

O club regresou á Terceira División en 1999, onde estivo unha tempada e volveu ascender. Este ascenso durou só unha tempada, regresando a Terceira en 2001. En 2005-06 resultou campión da categoría, pero non logrou o ascenso. Na 2006-07 volveu gañar a liga, e desta volta si conseguiu subir a Segunda B, tras eliminar ó CD Don Benito na fase de ascenso.

Na tempada 2007-08 quedou 4º, e xogou a fase de ascenso a Segunda División pero foi eliminado na primeira eliminatoria polo Écija Balompié. Na tempada 2008-09 quedou 17º volvendo á Terceira división na última xornada.

Na campaña 2009–10 volveu ser campión de Terceira a tres xornadas do final, ascendendendo novamente á Segunda División B, tras superar a eliminatoria contra o Burgos CF nos penaltis en Riazor. Na tempada 2010–11 descendeu novamente a Terceira División.

Nomes do club

• Fabril Foot-ball Club (1914–1941)
• Fabril Sociedad Deportiva (1941–1963)
• Fabril Deportivo (1963–1993)
• Real Club Deportivo de La Coruña, S.A.D. "B" (1993– )

Estadio

O estadio no que xoga habitualmente o Deportivo B é o Mundo do Fútbol (situado en Abegondo), con capacidade para 3.000 espectadores, se ben tamén ten utilizado o Estadio de Riazor en partidos de especial transcendencia como foi o da fase de ascenso á Segunda División na tempada 2007–08.

Datos do club

• Tempadas en 2ª: 0
• Tempadas en 2ªB: 9
• Tempadas en 3ª: 44 (Incluída a 2012/13)
• Tempadas en Rexional: 6
• Debut en Segunda B: 1991–92
• Mellor resultado na liga: 3º (2ª B, tempada 1997–98)
• Promocións de ascenso a Segunda: 3 (0 ascensos)
• Promocións de ascenso a Segunda B: 9 (5 ascensos)
• Clasificación histórica dos equipos filiais: 21º

Historial na liga

Tempada	Categoría	Posición
1964/65	3ª	4º
1965/66	3ª	6º
1966/67	3ª	5º
1967/68	3ª	3º
1968/69	3ª	9º
1969/70	3ª	11º
1970/71	Rexional	—
1971/72	3ª	19º
de 72-73	Rexional	—
a 76-77	Rexional	—
1977/78	3ª	6º
1978/79	3ª	17º
1979/80	3ª	16º
1980/81	3ª	10º
1981/82	3ª	11º
1982/83	3ª	7º

Tempada	Categoría	Posición
1983/84	3ª	3º
1984/85	3ª	10º
1985/86	3ª	3º
1986/87	3ª	11º
1987/88	3ª	6º
1988/89	3ª	5º
1989/90	3ª	2º
1990/91	3ª	4º
1991/92	2ªB	18º
1992/93	3ª	5º
1993/94	3ª	2º
1994/95	3ª	4º
1995/96	2ªB	5º
1996/97	2ªB	4º
1997/98	2ªB	3º
1998/99	2ªB	17º

Tempada	Categoría	Posición
1999/00	3ª	2º
2000/01	2ªB	20º
2001/02	3ª	9º
2002/03	3ª	2º
2003/04	3ª	3º
2004/05	3ª	8º
2005/06	3ª	1º
2006/07	3ª	1º
2007/08	2ªB	4º
2008/09	2ªB	17º
2009/10	3ª	1º
2010/11	2ªB	17º
2011/12	3ª	6º
2012/13	3ª	-

Xogadores

Cadro actual

Datos do 1 de agosto de 2011.

Nº Posto País Xogador 1 POR Marc Martínez 2 DEF Adrián Gallego 3 DEF Ángel Martínez 4 DEF Oriol Ricarte 5 DEF Ínsua 6 DEF Uxío 7 MED Álvaro Lemos 8 MED Richi 9 MED Iago Beceiro 10 DIA Juan Carlos 11 MED Víctor Díaz

Nº Posto País Xogador 12 MED Adrián Martínez 13 POR Edu 14 MED Vela 15 DIA Álex Pérez 16 DIA David Cubillas DEF Vieytes DEF José Manuel MED Pedro Crespo MED David García MED Álvaro Queijeiro DIA Luis

Xogadores cedidos

Nº Posto País Xogador POR Felipe Ramos (Cedido ao RCD Mallorca B por unha tempada) DEF Raúl (Cedido a UD Melilla por unha tempada) DEF Stefan Deak (Cedido ao Hapoel Rishon LeZion F.C. ata o 30 de xuño de 2013) DIA Chirri (Cedido ao Club Deportivo Teruel por unha tempada)

Palmarés

Torneos estatais

• Terceira División de España (3): 2005–06, 2006–07, 2009–10
• Subcampión da Terceira División (5): 1963–64, 1989–90, 1993–94, 1999–00, 2002–03

Torneos amigables

• Trofeo Sporting Sada (1): 2009
• Trofeo Cidade de Betanzos (1): 2009
• Trofeo Santiago Apóstol – VI Memorial Lisardo Campos (1): 2010
• Trofeo de Vimianzo (1): 2010
• Trofeo Concello de Cedeira (1): 2010

Véxase tamén

Ligazóns externas

• Sitio web oficial