Demografía de Romanía

Na Galipedia, a Wikipedia en galego.
Cidade Habitantes
Bucarest 1.942.254[1]
Iaşi 323.000
Cluj-Napoca 321.000
Timisoara 319.000
Constanţa 315.000
Galati 328.000
Braila 214.900
Sibiu 160.000
Etnias
Romaneses 88,9%
Húngaros 6,6%
Xitanos 2,5%
Alemáns 0,3%
Outros 1,7%
Relixión
Ortodoxos 89,7%
Católicos 5,6%
Protestantes 3,7%

A composición étnica da poboación de Romanía está integrada por unha maioría de orixe romanesa (88,9%), que convive cunha importante colectividade de húngaros (6,6%), concentrados sobre todo na rexión de Transilvania, e unha segunda minoría de xitanos (2,5%). Ademais, existen outros grupos étnicos menos numerosos: alemáns, xudeus e eslavos (búlgaros, ucraínos e serbios principalmente).

O crecemento da poboación durante o período 1995-2000 foi negativo (-0,4% anual). A poboación concéntrase nas rexións máis industrializadas das terras baixas. Só un 55,2% dos romaneses vive nas cidades, o que representa unha das proporcións máis baixas de Europa, só superada por varios dos seus veciños balcánicos e Moldavia. Máis do 89% da poboación adscríbese á Igrexa ortodoxa romanesa. Tamén hai católicos, especialmente entre as minorías húngara e alemá de Transilvania. Os xudeus concéntranse en Bucarest, a capital.

Relixión[editar | editar a fonte]

Romanía é un estado sen relixión oficial, aínda que máis do 89% da poboación adscríbese á Igrexa Ortodoxa Romanesa (segundo o censo de 2002). Tamén hai cantidades significativas de católicos (tanto de rito occidental como de rito oriental) (un 5,6% da poboación, moitos deles das minorías húngara e alemá de Transilvania), protestantes (luteranos e calvinistas) (3,7% da poboación), grupos pentecostais e musulmáns (ao redor de 100.000, o 0.4% da poboación total). Segundo o censo de 2002, tamén vivían no país 23.105 ateos e 6.100 xudeus.

Linguas[editar | editar a fonte]

O romanés é o idioma oficial do país. Séguenlle en importancia o húngaro e o romaní (que non ten nada que ver co romanés, senón cos romis, os xitanos romaneses), falados polas poboacións desas etnias. O ucraíno é falado áreas de Maramures, Bucovina, Dobrudia e Banat. O inglés é o primeiro idioma estranxeiro que se estuda na maioría das escolas romanesas, e actualmente hai un aumento de préstamos do inglés no vocabulario romanés. O francés é falado por un significativo número de persoas (uns 5 millóns), sendo Romanía membro da Francofonía.

Notas[editar | editar a fonte]