Demografía de Eslovenia

Na Galipedia, a Wikipedia en galego.

Segundo o último censo de oficial de 2002, Eslovenia contaba con 1 964 036 habitantes, aínda que segundo estimación no ano 2009 esta cifra ascende até os 2 053 355.

Os principais grupos étnicos do país son: eslovenos (89%), croatas, serbios, bosníacos e outras nacionalidades da ex-Iugoslavia (5,9%), e as minorías húngara e italiana (0,5%). A esperanza de vida no ano 2000 era de 71,8 años para os homes e 79,5 anos para as mulleres, porén, en 2004 aumentou a 72,1 anos para os homes e 79,8 para as mulleres.

Con 99,6 hab./km², Eslovenia está nos últimos postos entre os países europeos en densidade de poboación (comparar cos 320/km² dos Países Baixos ou os 195/km² de Italia). Aproximadamente o 50% da poboación total vive en áreas urbanas, mentres que o resto o fai en áreas rurais.

O idioma oficial é o esloveno, o cal é membro do grupo de linguas eslavas do sur. O húngaro e o italiano gozan de status de lingua oficial nas rexións étnicamente mesturadas ao longo das fronteiras italiana e húngara.