Delfinado

Na Galipedia, a Wikipedia en galego.
Mapa do Delfinado

O Delfinado[1] é unha antiga provincia francesa, que se corresponde aproximadamente cos departamentos de Isère, Drôme e Alpes Altos.

As súas capitais sucesivas foron Vienne, Valence e Grenoble.

O Delfinado foi primeiramente un estado independente, formando parte do Sacro Imperio Romano-Xermánico. O seu soberano levaba o título de delfín de Viennois. O derradeiro delfín independente, Humberto II, sen herdeiro, vendeu a súa provincia ó rei Filipe VI de Francia, o 30 de marzo de 1349, polo tratado de Romans. A partir daquela, o Delfinado converteuse en posesión do herdeiro ao trono de Francia, que levará o título de delfín.

Luís XI de Francia foi o primeiro delfín en residir na súa provincia e en gobernala.

O Dauphiné libéré é un xornal con sede en Grenoble e que se difunde por toda a rexión de Ródano-Alpes e no norte da de Provenza-Alpes-Costa Azul.

Notas[editar | editar a fonte]

  1. Ver entrada de «Occitania». Diciopedia do século 21. 3. Isaac Díaz Pardo, Víctor F. Freixanes, Antón Mascato (edición). Editorial Galaxia. 2007. p. 1498. ISBN 9788482893600.