Dayron Robles

Na Galipedia, a Wikipedia en galego.
Cadro de medallas
Atletismo masculino

Dayron Robles Doha 2010.jpg

Xogos Olímpicos
Ouro Pequín 2008 110 metros valados
Robles á esquerda da imaxe.
Final de 110 metros valados en Pequín o 21 de agosto de 2008, o gañador é Robles.

Dayron Robles, nado en Guantánamo o 19 de novembro de 1986, é un atleta cubano especializado nos 110 metros valados.

Dayron Robles é un atleta especializado nas carreiras de valados, de 1.92 m e 80 kg de peso[1]. Empezou a destacar a nivel internacional cando se proclamou en 2006 subcampión do mundo en pista cuberta en Moscova, sobre a distancia curta de 60 metros valados. Dous anos despois, nos mundiais de 2008 de pista cuberta, foi descualificado logo de frearse despois de botarse a correr ao coidar que fixera unha saída nula e non superar os valados.[2]

O 12 de xuño de 2008 conseguiu o record do mundo de 110 metros valados ao rexistrar 12"87, cun vento favorábel de 0.9 m/s.[3] A carreira disputouse no marco dunha proba internacional en Ostrava (República Checa). O anterior posuidor do record do mundo era o chinés Liu Xiang que atesouraba 12"88, tres centésimas máis.

Resultados[editar | editar a fonte]

Ano Proba Localidade Resultado Distancia Marca
2003 Campionatos do Mundo Xuvenís Sherbrooke, Canadá 110 m valados 13"91
2004 Campionatos do Mundo Júnior Grosseto, Italia Prata 110 m valados 13"77
2005 Xogos de Centroamérica e Caribe Nassau, Bahamas Prata 110 m valados 13"41
2006 Campionato do Mundo de Atletismo pista cuberta Moscova, Rusia Prata 60 m valados 7"46
2006 Xogos de Centroamérica e Caribe Cartagena, Colombia Ouro 110 m valados 13"12
2007 Xogos Panamericanos Río de Xaneiro, Brasil Ouro 110 m valados 13"25
2007 Campionato do Mundo de Atletismo 2007 Osaca, Xapón 110 m valados 13"15
2008 Xogos Olímpicos de 2008 Pequín, China Ouro 110 m valados 12"93
2009 Xogos de Centroamérica e Caribe A Habana, Cuba Ouro 110 m valados 13"18
2010 Campionato do Mundo de Atletismo pista cuberta Doha, Qatar Ouro 60 m valados 7"34

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]