David Blanco

Na Galipedia, a Wikipedia en galego.
David Blanco

Información persoal
Nacemento David Blanco Rodríguez
3 de marzo de 1975 (49 anos)
Berna, Suíza
Nacionalidade Galicia Galicia
Equipo
Último equipo {{{equipo}}}
Equipo(s) Pro
2000-2001
2002
2003
2004-06
2007-10
2010
Rota dos Movéis
ASC Vila do Conde
Porta da Ravessa
Comunitat Valenciana - Kelme
Palmeiras Tavira
Geox.
Principais vitorias

David Blanco Rodríguez, nado o 3 de marzo de 1975 na localidade suíza de Berna, é un ciclista galego.

Traxectoria[editar | editar a fonte]

Iniciou a súa carreira como profesional en Portugal, en 2000, no Rota dos Móveis. Con este club disputou a súa primeira Volta ao Alentejo (onde rematou undécimo), e a súa primeira Volta a Portugal, onde chegou de 14º. En 2001 repite ese posto final na rolda lusa, e en 2002, xa co ASC Vila do Conde remata de 21º. En 2003 ficha polo Porta da Ravessa, e remata quinto na Volta a Portugal e undécimo de novo na do Alentejo.

En 2004 ficha polo equipo español Kelme, onde permaneceu dous anos, e que mudou aos nomes de Comunitat Valenciana e Costa Blanca. Dese ano é a súa participación primeira na Vuelta a España, onde rematou décimo, e o seu primeiro podio, ao finalizar terceiro na Volta á Comunidade Valenciana. En 2005 quedou de quinto na volta portuguesa e duodécimo na española, e en 2006 chegou a súa primeira gran vitoria como profesional, ao conseguir a primeira posición na Volta a Portugal, onde ademais gañou a oitava tirada (Favaios-Guarda) e mais a décima e última tirada (Idanha-a-Nova - Castelo Branco, contra o reloxo).

Ao ano seguinte non renova co equipo español, e ficha de novo por un conxunto profesional portugués, o Duja Tavira. Ese ano queda quinto na rolda lusa, e na edición seguinte, en 2008, volve obter o título de vencedor final[1]. En 2009 volve ser proclamado vencedor da Volta a Portugal logo da descualificación do portugués Nuno Ribeiro por dopaxe[2]. A eliminación de Ribeiro e do español Héctor Guerra por esa razón, converteuno ademais en vencedor de dúas tiradas. En 2010 volve gañar a Volta a Portugal[3].

En setembro de 2010 asinou un contrato co equipo italiano Geox para a seguinte tempada.

No ano 2012 gañou por quinta vez a Volta a Portugal.[4]

Vida persoal[editar | editar a fonte]

Actualmente reside en Santiago de Compostela.

Notas[editar | editar a fonte]

  1. David Blanco gaña a Volta a Portugal Arquivado 04 de marzo de 2016 en Wayback Machine., A Nosa Terra, 25 de agosto de 2008, consultado o 19 de setembro de 2009
  2. Tres casos de dopaxe na Volta a Portugal, Vieiros, 18 de setembro de 2009, consultado o 19 de setembro de 2009
  3. David Blanco vuelve a coronarse en Portugal Arquivado 21 de agosto de 2010 en Wayback Machine., La Voz de Galicia, 15 de agosto de 2010
  4. David Blanco, rei de Portugal, Praza Pública, 27 de agosto de 2012

Véxase tamén[editar | editar a fonte]

Ligazóns externas[editar | editar a fonte]

Outros artigos[editar | editar a fonte]