David Añón

Na Galipedia, a Wikipedia en galego.
(Redirección desde «David Añón González»)
David Añón
Información persoal
Nome David Añón González
Nacemento 3 de abril de 1989
Lugar de nacemento A Coruña
Altura 1,72 m
Posición Dianteiro
Información de club
Club actual Coruxo
Número 11
Carreira xuvenil
2007–2008 Deportivo da Coruña
Carreira sénior
Anos Equipos Aprs (Gls)
2008–2011 Deportivo B 33 (9)
2008–2009Montañeros (cedido)
2010–2011 Deportivo da Coruña 4 (0)
2011–2012 Albacete 28 (1)
2012–2014 Celta B 70 (14)
2014–2015 Boiro 33 (9)
2015–2016 Somozas 36 (10)
2016–2018 Pontevedra 70 (15)
2018–2019 Katowice 24 (2)
2019–2020 Coruxo 27 (5)
2020–2022 Talavera 37 (5)
2022– Coruxo 44 (6)
Partidos e goles só en liga doméstica.
Club: actualizado a 6 de xaneiro de 2024.
editar datos en Wikidata ]

David Añón González, nado na Coruña o 3 de abril de 1989, é un futbolista galego. Xoga de dianteiro no Coruxo, da Segunda División RFEF.

Traxectoria[editar | editar a fonte]

Formouse nas categorías inferiores do Deportivo da Coruña, xogando cedido tamén no Montañeros CF. Na tempada 2009/10 xogou co Fabril en Terceira, conseguindo o ascenso, e comezou a recibir as súas primeiras convocatorias co primeiro equipo.

O 20 de xaneiro de 2010 debutou co primeiro equipo da man de Miguel Ángel Lotina, nun partido da Copa do Rei contra o Sevilla en Riazor, que acabou en derrota por 0-3. Un mes despois debutou en Primeira División, nun partido contra o Villarreal CF. Na tempada 2010/11 xogou co filial en Segunda B, marcando 9 goles pero o equipo de Tito Ramallo perdeu a categoría ao remate da tempada.

O 14 de xullo de 2011 fichou polo Albacete, tamén de Segunda B, no que permaneceu un ano, fichando no verán de 2012 polo filial do Celta de Vigo, o Celta B, da Terceira División. Co equipo vigués logrou o ascenso a Segunda B, categoría na que militou durante a tempada 2013/14, antes de fichar polo Boiro.[1] Tras unha tempada en Boiro, onde marcou 9 goles, pasou ao Somozas, de Segunda B, onde marcou 10 tantos, acabando no oitavo posto do grupo I.

En 2016 fichou polo Pontevedra CF,[2] onde coincidiu con outros dianteiros como Ferrer, Marcos ou Mario Barco, co que xa xogara no Somozas. Militou dúas tempadas no equipo de Luisito no grupo I da Segunda B, e no 2018 decidiu saír ao estranxeiro.[3] Fichou entón polo Katowice, da I liga, a segunda división de Polonia.

Regresou a Galicia en 2019, fichando polo Coruxo, da Segunda B.[4] Militou un ano no club dirixido por Míchel Alonso, e os dous seguintes no Talavera de la Reina, o último deles na nova Primeira División RFEF.[5] No verán de 2022 regresou ao Coruxo, da Segunda RFEF.[6]

Notas[editar | editar a fonte]

  1. "El Boiro ficha al excentrocampista del Fabril y Celta B David Añón". La Voz de Galicia (en castelán). 20 de agosto de 2014. Consultado o 9 de xaneiro de 2022. 
  2. García de Burgos, Carmen (10 de xuño de 2016). "El Pontevedra ficha al delantero coruñés David Añón, del Somozas". La Voz de Galicia (en castelán). Consultado o 9 de xaneiro de 2022. 
  3. Amil, Nieves D. (29 de maio de 2018). "David Añón: «A miña intención é marchar para o extranxeiro»". La Voz de Galicia (en castelán). Consultado o 9 de xaneiro de 2022. 
  4. Rodríguez, Raúl (20 de xullo de 2019). "David Añón refuerza la banda del Coruxo". Faro de Vigo (en castelán). Consultado o 9 de xaneiro de 2022. 
  5. "El Coruxo sufre la pérdida de David Añón, que ficha por el Talavera" (en castelán). 3 de agoosto de 2020. Consultado o 9 de xaneiro de 2022. 
  6. Refojos, Borja (31 de xullo de 2022). "El Coruxo cierra la vuelta de David Añón". Atlántico Diario (en castelán). Consultado o 6 de xaneiro de 2024. 

Véxase tamén[editar | editar a fonte]

Ligazóns externas[editar | editar a fonte]