Dave Fleischer

Na Galipedia, a Wikipedia en galego.
Popeye the Sailor Meets Sindbad the Sailor

David Fleischer, nado en Nova York o 14 de xullo de 1894, e finado nos Ánxeles o 25 de xuño de 1979, foi un animador, director e produtor alemán-estadounidense, coñecido por ser un dos donos de Fleischer Studios xunto ao seu irmán maior Max Fleischer.

Traxectoria[editar | editar a fonte]

Dave Fleischer foi notable durante o tempo do seu primeiro personaxe en rotoscopio, Koko the Clown. Converteuse en director e logo en produtor do estudio. Aínda que é acreditado como director de toda película feita polo estudio entre 1921 e 1942, algúns animadores facían labores de dirección, e Fleischer encargábase da produción. Algunhas das series animadas que Fleischer supervisou durante este período foron Talkartoons, Betty Boop, Popeye, Color Classics entre moitos outros.

En xaneiro de 1942, Fleischer, incapacitado para cooperar co seu irmán, deixou a compañía para ser presidente de Screen Gems en Columbia Pictures. Fleischer Studios cesou a produción o 24 de maio de 1941 cando Paramount pediu o préstamo que lle fixera. Logo, como parte de Paramount, foi renomeado como Famous Studios (aínda que o nome non foi oficial até maio de 1943).

A finais dos anos 1940, Fleischer trasladouse á Universal, onde se converteu nun experto en efectos especiais, traballando en películas como Francis, The Birds, e Thoroughly Modern Millie. Morreu por un accidente cerebrovascular en Woodland Hills (California), despois dunha década retirado.