Dardania (Anatolia)

Para o antigo pobo indoeuropeo dos Balcáns, véxase Dardania (Europa).

Mapa coa situación de Dardania.

Na mitoloxía grega Dardania (en grego antigo Δαρδανία Dardanía) é o nome da cidade fundada na aba do monte Ida por Dárdano, de quen tanto a rexión como o pobo tomaron o seu nome.

De Tros, o neto de Dárdano, a xente conseguiu o nome adicional de troianos e a rexión o nome de Tróade. Ilo, o fillo de Tros, fundou unha cidade chamada Ilión (en latín Ilium), máis alá da chaira troiana, cidade máis comunmente chamada Troia. O reino foi dividido entre Ilión e Dardania.

Harry Thurston Peck, no Harper's Dictionary of Classical Antiquity de 1898, define de forma parecida a Dardania «como un distrito da Tróade, estendéndose ao longo do Helesponto, ao sueste de Abidos, e adxacente ao territorio de Ilión».

O seu pobo, os dardanios, aparecen na guerra de Troia baixo o mando de Eneas, en firme alianza cos troianos, cuxos nomes son con frecuencia intercambiados, especialmente polos poetas romanos.

Véxase tamén

Outros artigos

• Guerra de Troia
• Cabalo de Troia