Día Kamehameha
O día Kamehameha, o 11 de xuño, é un festivo hawaiano, nos Estados Unidos, que se celebra na honra de Kamehameha o Grande, o monarca que unificou o Reino de Hawaiʻi, que abranguía as Illas Hawaianas de Niʻihau, Kauaʻi, Oʻahu, Molokaʻi, Lānaʻi, Kahoʻolawe, Maui e Hawaiʻi.
[editar] Historia
O festivo foi establecido baixo decreto real polo bisneto, tamén rei, de Kamehameha I en 1871, celebrándose por primeira vez no seguinte ano. A finais do XIX, as festa do día Kamehameha consistían nun entroido e unha feira, con carreiras de cabalos, de persoas e de velocípede.s
O día Kamehameha foi un dos primeiros festivos que estabeleceu o Gobernador de Hawaʻi, cando logrou a súa condición de estado en 1959.
Hoxe en día, o Día trátase dun evento que lembra o Antigo Hawai, respectando as tradicións culturais dos tempos de Kamehameha. Ademais, a Competición de Hula do Rei Kamehameha (King Kamehameha Hula Competition) atrae a grupos de danza hula de todo o mundo até o Neil S. Blaisdell Center durante dous días.
