Década de 1910
| Segundo milenio | |||||
| Século XX | |||||
| |||||
|
A década de 1910 foi o período de tempo que transcorreu desde o 1 de xaneiro de 1910 ata o 31 de decembro de 1919.
Na década de 1910, os intereses das potencias mundiais empuxaron á humanidade a unha nova dimensión de conflito, a primeira guerra mundial (iniciada en 1914), que aínda que se iniciou como un conflito europeo terminou absorbendo ás principais nacións do mundo. A confrontación iniciouse tralo asasinato do arquiduque Francisco Fernando en Saraxevo. Os grandes perdedores ao cabo dos catro anos en que se desenvolveu a guerra foron os imperios de Austria, que perdeu esa distinción para sempre, e o imperio ruso, cuxa monarquía foi exterminada (a familia real foi executada) para dar paso a un novo sistema de goberno, o Bolxevique, liderado por Lenin.
Os Estados Unidos de América converteuse en potencia mundial de primeira orde do mesmo xeito que o Xapón, cuxa primacía en Asia xa ninguén discutía. Alemaña perdeu o seu pequeno imperio colonial, pero aínda así logrou manter a súa infraestrutura nacional. Foi o caso contrario ao de Francia, que se supoñía resultara victoriosa na guerra.
Gran Bretaña, aínda que menos afectada que Francia, tamén viu retroceder o seu prestixio e de súpeto atopouse en condición de igualdade cos Estados Unidos de América, país sobre o que facía menos dun século aínda tiña a pretensión de volvelo a integrar dentro das súas colonias.
Pola súa banda o piloto alemán Manfred von Richthofen foi a icona da guerra.
Acontecementos[editar | editar a fonte]
1910[editar | editar a fonte]
- Inicio da Revolución mexicana.
- Constitución da Unión Surafricana.
- Proclamación da república de Portugal.
- Corea anéxase ao Xapón e forma parte das miles de colonias xaponesas
- Kandinsky: primeira acuarela abstracta.
- Paso do cometa Halley.
- Fundación da firma Chanel.
