Cultural y Deportiva Leonesa

Na Galipedia, a Wikipedia en galego.
Cultural Leonesa
Nome Cultural y Deportiva Leonesa, S.A.D.
Alcume(s) La cultu,
La leonesa
Fundación 5 de agosto de 1923 (90 anos)
Estadio Municipal Reino de León,
León, España
Inauguración 2001
Capacidade 13.451
Presidente España Xunta Xestora
Adestrador España Luis Cembranos
Liga 2ªB – Grupo 1
2013–14 14º
Páxina web Páxina web oficial
Na casa
Fóra

A Cultural y Deportiva Leonesa é un club de fútbol español, establecido na cidade de León, comunidade autónoma de Castela e León. Foi fundado en 1923 e xoga no grupo I da Segunda División B Española.

Uniforme[editar | editar a fonte]

  • Uniforme titular: Camiseta branca, pantalón branco e medias brancas.
  • Uniforme alternativo: Camiseta gris, pantalón negro e medias brancas.
  • Terceiro Uniforme: Camiseta verde escuro, pantalón negro e medias negras.

Himno[editar | editar a fonte]

A letra e música do himno oficial da Cultural Leonesa foi creado e composto por Ánge4l Arredondo Giraldo. O grupo de música folclórica leonesa La Braña é o que o interpreta.

O 29 de abril de 2007, presentouse a todos os afeccionados o novo himno composto por Manuel Quijano (pai dos compoñentes de Café Quijano). Este novo himno foi rexeitado polos afeccionados con apupos cada vez que se escoitaba nas bancadas do entón Antonio Amilivia e finalmente a directiva deciciu que deixase de soar en beneficio do primeiro.

Escudo[editar | editar a fonte]

O escudo da Cultural Leonesa baséase nun León rampante coroado e linguado (símbolo da cidade de León) de cor vermella, rodeado por unha circunferencia tamén vermella na que se insire en nome do club: "Cultural y Deportiva Leonesa" con letras brancas, rematado na parte superior da circunferencia cunha coroa vermella, con adornos brancos e laranxas.

Estadio[editar | editar a fonte]

A Cultural Leonesa disputando un partido no Estadio Municipal Reino de León fronte ao CE Sabadell.

A Cultural Leonesa disputa os seus partidos no Estadio Municipal Reino de León (Cambiado na tempada 08-09, antes coñecido como "Novo Estadio Antonio Amilivia") construído en 2001 e con capacidade para 13.451 persoas. O terreo de xogo ten unhas dimensións de 105 x 68 metros. Está situado na avenida Saenz de Miera, á beira do Pavillón municipal de deportes da cidade de León. O primeiro partido disputado foi o 20 de maio de 2001 fronte ao Xerez Club Deportivo, con resultado favorable á Cultural Leonesa por 1 a 0.

O equipo empezou a disputar os seus partidos no campo de La Corredera. Posteriormente pasou a xogar ao campo de El Ejido, que pertencía á Maestranza de Aviación. Co ascenso a Primeira construíuse o estadio Antonio Amilivia, antes coñecido co nome de La Puentecilla. Tamén xogou no Área Deportiva de Puente Castro.

Datos do club[editar | editar a fonte]

Xogadores[editar | editar a fonte]

Categoría principal: Xogadores da Cultural Leonesa.

Cadro actual[editar | editar a fonte]

Datos do 20 de xullo de 2011.
Posto País Xogador
POR España Diego Calzado
MED España Galán
DEF España Edgar Gil
DIA España Murci
DIA España Joshua

Palmarés[editar | editar a fonte]

Torneos rexionais[editar | editar a fonte]

Torneos nacionais[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]