Cruxía (arquitectura)
En arquitectura denomínase cruxía ao espazo arquitectónico comprendido entre dous muros de carga, dous aliñamentos de piares (pórticos), ou entre un muro e os piares aliñados contiguos.
Este espazo fai referencia tamén ás naves ou corredores de certos edificios, que dan acceso a dependencias laterais, como é o caso de cada unha das galerías dun claustro.
Constructivamente é cada unha das partes principais en que se divide a planta dun edificio. Denomínase primeira cruxía á situada máis próxima á fachada, numerándose correlativamente cara ao interior da edificación.
A composición arquitectónica máis simple é a tipoloxía conformada por xustaposición de cruxías. Nesta forma de composición establécese a comunicación dos recintos mediante a apertura de ocos nos muros; tamén se utilizan ocos para ventilar e iluminar as habitacións. A compartimentación das cruxías adoita realizarse mediante tabiquería.
